17-гадовы палітвязень Мікіта Залатароў заявіў, што больш ня вытрымае ў адзіночцы

У Гомлі непаўналетняга палітвязьня Мікіту Залатарова пераарыштавалі ў новай крымінальнай справе за напад на супрацоўніка СІЗА, паведамілі «Сильные новости».

Бацька Мікіты Міхаіл апавёў, што сын выглядае схуднелым і бледным. Яго дагэтуль трымаюць у камэры аднаго.

Паразмаўляць зь ім не дазволілі. Мікіта толькі пасьпеў сказаць, што больш ня можа трываць: калі застанецца ў камэры адзін — ён ня вытрымае.

ГЛЯДЗІЦЕ ТАКСАМА: «Спаць не даюць, голымі ставяць у калідоры». Затрыманых каля суду над Севярынцам журналістаў, арыштавалі на 20 дзён

Падлетка затрымалі 11 жніўня 2020 году. Яго абвінавацілі ва ўдзеле ў «масавых беспарадках» і незаконных дзеяньнях з гаручымі рэчывамі («кактэйлямі Молатава»).

Падчас утрыманьня ў СІЗА падлетак, які хварэе на эпілепсію, скардзіўся, што міліцыянты і супрацоўнікі ізалятара яго білі. На судзе ён заяўляў, што яму не даюць лекаў і кажуць: «Ты палітычны, здохнеш».

ГЛЯДЗІЦЕ ТАКСАМА: За тры гадзіны для Мікіты Залатарова і ягонай сям’і сабралі 4000€ ГЛЯДЗІЦЕ ТАКСАМА: Хлопца, які адмовіўся ад прэзыдэнцкай стыпэндыі, абвінавацілі ў адміністраваньні «экстрэмісцкага» тэлеграм-каналу ГЛЯДЗІЦЕ ТАКСАМА: Суды, выракі і затрыманьні 15 траўня: у падсуднай у «справе студэнтаў» Яны Арабейкі зьявіліся праблемы з сэрцам ГЛЯДЗІЦЕ ТАКСАМА: Пэнсіянэрку, якая прыйшла 9 траўня на магілу Быкава, судзілі за пікетаваньне