«Тэлек ўсё, я там больш не працую», — напісаў вядоўца дзяржаўнага тэлеканала СТБ Антон Мартыненка ў твітэры.
Тэлевядоўца Антон Мартыненка звольніўся з тэлевізіі. Пра гэта ён паведаміў у сваім акаўнце ў твітэры.
«Пасьля дзьвюх апошніх пастоў у сацыяльных сетках са мной вельмі ветліва і выключна добразычліва пагаварылі аб тым, што мая праца як тэлевядоўцы зьведзеная да мінімуму. Мяне не звальняюць а пераводзяць у рэдактарскі адзьдзел( усё ў межах закону, вядома). Я яшчэ больш ветліва, чым мне гэта было прапанавана, адмовіўся і напісаў заяву аб уласным жаданьні», – напісаў Мартыненка.
Раней вядоўца СТВ Антон Мартыненка выказаўся ў інстаграме наконт затрыманьняў кліентаў крамы Symbal.by.
Мартыненка напісаў, што набыў сваю вышыванку да таго, калі за гэта пачалі біць і затрымоўваць. Вядоўца прызнаўся, што падарыў іншую такую вышыванку байцу Конару Макгрэгару, «які б'ецца толькі на рынгу і толькі з тымі, хто роўны яму па сіле».
ГЛЯДЗІЦЕ ТАКСАМА: Пасьля допісу супраць адвольных затрыманьняў тэлевядоўцу АНТ пазбавілі эфіру ГЛЯДЗІЦЕ ТАКСАМА: Пераможцу «Славянскага базару» Гросу адмовілі ў выступах пасьля выказваньняў «за справядлівыя выбары» ГЛЯДЗІЦЕ ТАКСАМА: Пасьля выказваньняў Дзядзі Вані пра выбары адмянілі ягоны гомельскі канцэрт на 3 ліпеня