Бліц-агляд падзеяў і тэмаў у Беларусі, сьвеце, гісторыі.
НАДВОР’Е...
...вельмі сьвяточнае: сьнег, сонца, мароз. Тэмпэратура: -15 — -7.
ТАМ, ДЗЕ НАС НЯМА:
Расея на тры дні ўзнаўляе чартэрныя палёты паміж Масквой і Тбілісі.
У Мадрыдзе інаўгурацыя гішпанскага старшынёўства ў Эўразьвязе.
ТАКСАМА Ў ГЭТЫ ДЗЕНЬ:
У 1919 Менск быў абвешчаны сталіцаю БССР.
У 1935 нарадзіўся "кароль рок-н-ролу" Элвіс Прэсьлі (пам. 1977).
У 1954 у Беларусі былі ліквідаваныя вобласьці: Бабруйская, Баранавіцкая, Палеская з цэнтрам у Мазыры, Пінская і Полацкая.
ЁСЬЦЬ НАГОДА:
Другі дзень праваслаўных Калядаў.
МІНУС 365:
Год таму на сайце Свабоды: "Менск: чэргі за валютай, якой няма".
ЦЫТАТА НА ПАМЯЦЬ:
"Кожны раз, калі я думаю пра тое, што я старэю і паступова набліжаюся да магілы, здараецца нешта іншае", — Элвіс Прэсьлі.