“У кіраўніцтва Расеі і Беларусі дыямэтральна супрацьлеглыя падыходы да таго, як будаваць саюзную дзяржаву”, — кажа былы дэпутат Дзяржаўнай думы Расеі Ўладзімер Рыжкоў.
Ад сёньняшняй сустрэчы Аляксандра Лукашэнкі і Дзьмітрыя Мядзьведзева Ўлазімер Рыжкоў не чакае “ніякага прарыву”.
“Некаторыя расейскія кіраўнікі ведаюць, што Беларусі вельмі патрэбныя грошы, адсюль у іх узьнікла ілюзія, што, карыстаючыся гэтым становішчам, можна праціснуць свой варыянт саюзнай дзяржавы і прыватызаваць для сябе беларускую маёмасьць. Але гэта толькі ілюзія”, — лічыць Рыжкоў.
Палітык удзельнічае ў міжнароднай канфэрэнцыі “Беларусь — Расея: ракіроўка альбо перазагрузка”, якая распачалася сёньня ў Менску.