Тыдзень у фатаздымках, 6—13 чэрвеня

13 чэрвень 2009, 20:32

Радыё Свабода

Беларускія падзеі ў фатаздымках 6—13 чэрвеня.

13 чэрвеня

У літоўскіх Нарвілішках ля беларускай мяжы праходзіць фэстываль «Be2gether».

12 чэрвеня

Залевы, навальніцы і моцны вецер нарабілі бяды па ўсёй краіне. На гэтым фота Станіслава Рудзя з парталу tut.by — наступствы стыхіі ў Пінску.

У абласной бібліятэцы Віцебску адчынілася выстава твораў ўдзельнікаў Быкаўскага пленэру.

11 чэрвеня

Амбасадар Расеі ў Беларусі Аляксандар Сурыкаў пракамэнтаваў апошнія спрэчкі паміж беларускімі і расейскімі чыноўнікамі наконт бар’ераў для паставак у Расею сельскагаспадарчай тэхнікі і беларускага малака, а таксама выдзяленьня Беларусі апошняй траншы расейскага крэдыту памерам у 500 мільёнаў даляраў.

10 чэрвеня

Суд Ленінскага раёну Менску аштрафаваў актывістаў кампаніі “Эўрапейская Беларусь” Максіма Вінярскага, Алега Ладуцьку, Паліну Дзьякаву за акцыю салідарнасьці зь Мікалаем Аўтуховічам.

Віцебскі абласны суд пачаў разьбіраць справу праваабаронцы Леаніда Сьвеціка, якога КДБ вінаваціць у распальваньні міжнацыянальнай і міжканфэсійнай варожасьці.

9 чэрвеня

Моладзевыя актывісты БНФ абвясьцілі пра пачатак кампаніі “Моладзь БНФ” — беларускаму народу”.

Праблемы з пастаўкамі малака ў Расею, што пачаліся 6 чэрвеня, дасягнулі піку — на тэрыторыю РФ быў забаронены ўвоз практычна ўсёй беларускай малочнай прадукцыі.

8 чэрвеня

Беларусь наведала дэлегацыя Рады Эўропы на чале са старшынём кіроўнага органу арганізацыі — Камітэту міністраў — Самуэлем Жбогарам (справа на здымку), міністрам замежных спраў Славеніі. На фота — міністар замежных спраў Беларусі Сяргей Мартынаў гутарыць з Самуэлем Жбогарам.

У Менску ў Інстытуце журналістыкі БДУ адбылося ўрачыстае адкрыцьцё Інфармацыйнага цэнтру Рады Эўропы. На фота — Сяргей Мартынаў падчас адкрыцьця.

7 чэрвеня



Пад Мілавідамі ўшанавалі памяць паўстанцаў 1863 году

6 чэрвеня

У Горадні прымалі матч Беларусь—Андора. Футбольны матч такога рангу праводзіўся ў Горадні ўпершыню.