Вулічныя баі ў Кіеве. Забітыя і параненыя

ПРАЦЯГ ПАДЗЕЯЎ У КІЕВЕ ТУТ >>

Фатаграфія ў фотаальбом...

Це що- фото в домашній фотоальбом? pic.twitter.com/YVo4dijl0K

— Svyatoslav Vakarchuk (@s_vakarchuk) January 22, 2014

Пратэсты па-за Кіевам: у Віньніцы выйшлі 10 тысяч чалавек

Больш за 10 тысяч чалавек выйшлі на вуліцу. Дарогі перакрытыя. Адміністрацыя заблякаваная. Людзі пратэстуюць супраць дзеяньняў рэжыму Віктара Януковіча.

Пра гэта на сваёй старонцы ў «Фэйсбуку» паведаміў актывіст Віталь Уманец, перадае Цензор.НЕТ:

«Горад стаіць! Грамадзяне перакрылі дарогі, транспарт стаіць. Аблдзяржадміністрацыя заблякаваная. Людзей ужо больш за 10 тыс . і яшчэ падцягваюцца адусюль!», – напісаў актывіст.

Забіты яшчэ адзін актывіст Эўрамайдану — Юры Вярбіцкі

Цела, знойдзенае ў барыспальскай лесапаласе, належыць Юрыю Вярбіцкаму. Яго апазнаў родны брат Юрыя.

Юрыя Вярбіцкага выкралі 21 студзеня разам зь Ігарам Луцэнкам, намесьнікам камэнданта Эўрамайдану. Луцэнка неўзабаве быў знойдзены моцна зьбітым. Пошукі Юрыя Вярбіцкага працягваліся. Луцэнка паведамляў, што Юрыя катавалі нашмат цяжэй за яго.

Цела Вярбіцкага было знойдзенае ранкам 22 студзеня каля сяла Гнідын Барыспальскага раёну Кіева. Было распачата сьледзва па артыкуле «наўмыснае забойства», бо на вопратцы Юрыя быў знойдзены скотч, але рукі не былі зьвязаныя.

Ва Ўкраіне стварылі Народную Раду

Народная Рада Ўкраны абвешчаная адпаведнай дэклярацыяй і ёсьць органам прадстаўніцтва народных дэпутатаў. Яна фактычна зьяўляецца супрацьвагай Вярхоўнай Радзе.

У Народную Раду ўвайшлі народныя дэпутаты-апазацыянэры і дэпутаты па-за фракцыямі, якія прытрымліваюцца абароны Канстытуцыі, канстытуцыйнага ладу, дэмакратыі, парлямэнтарызму і выступаюць супраць дыктатуры і ўзрупацыі ўлады рэжымам Віктара Януковіча.

Паводле дэклярацыі, У Крыме, кожнай вобласьці, Кіеве, Севастопалі, у гарадах і раёнах на базе дэпутацкіх фракцый апазыцыйных партый, у абласных, гарадзкіх і раённых радах будуць утвораныя Народныя Рады дзеля абароны Канстытуцыі, правоў і свабод чалавека.

Зь Януковічам ні аб чым не дамовіліся

Перамовы працягнуцца заўтра — заявілі лідэры трох апазыцыйных парлямэнцкіх фракцый на паседжаньні Народнай Рады ў Доме прафсаюзаў у Кіеве.

Лідэр «Свабоды» Алег Цягнібок заявіў, што калі стала зразумела, што ні аб чым Януковіч дамаўляцца не зьбіраецца, а прапануе працягнуць перамовы заўтра, Клічко, Яцанюк і Цягнібок проста выйшлі з памяшканьня.

Віктар Януковіч адмовіўся склікаць пазачарговае пасяджэньне Вярхоўнай Рады, але абяцаў выклікаць з Давоса прэм’ера Азарава, каб абмеркаваць магчымасьць скасаваньня «дыктатарскіх законаў» ад 16 студзеня і адстаўкі ўраду, апавёў лідэр фракцыі «Бацькаўшчыны» Арсеній Яцанюк.

У Кіеве ўжо 5 забітых і 300 параненых

У сутыкненьнях на вуліцы Грушэўскага ў Кіеве, якія працягваюцца з 19 студзеня, сёньня загінулі 5 чалавек. Пра гэта Грамадзкаму радыё паведаміў Алег Мусій, каардынатар мэдыцынскай службы Штабу нацыянальнага супраціву.

Людзі таксама пачалі выкарыстоўваць зброю #євромайдан pic.twitter.com/hOlhPgVjUx

— Радыё Свабода (@svaboda) January 22, 2014

На Грушэўскага каля 5 тысяч пратэстоўцаў. Вуліца палае

Па вуліцы Грушэўскага ў Кіеве, у раёне стадыёна «Дынама», мітынгоўцы выклалі папярок вуліцы па ўсёй даўжыні вогнішчы з шын, якія ў дадзены момант вельмі ярка гараць, фактычна, палае ўся вуліца. Як перадае УНІАН, праваахоўнікі з вадамётаў спрабуюць пагасіць вогнішчы, але пакуль ім гэта не ўдаецца.

Мітынгоўцы таксама пастаянна падносяць новыя шыны для вогнішча. У той жа час доўжыцца перастрэлка паміж праваахоўнікамі і мітынгоўцамі: міліцыя выкарыстоўвае гумовыя кулі і сьвятлошумавыя гранаты, мітынгоўцы ўжываюць пэтарды. Агульная колькасьць удзельнікаў акцыі пратэсту на вуліцы Грушэўскага перавышае 5 тысяч чалавек.

Перамовы апазыцыі і Януковіча закончыліся

Перамовы лідэраў трох апазыцыйных фракцый з прэзыдэнтам Януковічам, якія пачаліся каля другой гадзіны, закончыліся, паведамляе Espresso.tv. У іх удзельнічалі Віталь Клічко, Андрэй Яцанюк, Алег Цягнібок. Пра вынікі іх пакуль не кажуць. Як паведамляе УНІАН, палітыкі не далі ніякіх камэнтароў па выніках сустрэчы. Сустрэча доўжылася больш за тры гадзіны.

Цімашэнка: Кроў забітых — на руках Януковіча

На майдане Незалежнасьці агучаны зварот Юліі Цімашэнка: «Кроў забітых — на руках Януковіча, гэта ён страляў у людзей. З гэтай хвіліны ён перастаў быць прэзыдэнтам краіны. Украінцы, паўставайце за сваіх дзяцей і за сябе. Пытаньне стаіць жорстка — альбо яны, альбо свабодная Ўкраіна!»

Цімашэнка заклікала спэцназ пакласьці зброю і пераходзіць на бок народу. Яна таксама заклікала лідэраў сьвету далучыцца да барацьбы з дыктатурай Януковіча. Зварот зачытала яе дачка.

Перамовы апазыцыі і Януковіча працягваюцца. Вынікаў няма

Перамовы лідэраў трох апазыцыйных фракцый з прэзыдэнтам Януковічам, якія пачаліся каля другой гадзіны, працягваюцца, паведамляе Espresso.tv. У іх удзельнічаюць Віталь Клічко, Андрэй Яцанюк, Алег Цягнібок. Прэм’ер Азараў паляцеў у Давос, там форум пачаўся з хвіліны маўчаньня па ахвярах у Кіеве.

У Львове заўтра дзень жалобы

Такое распараджэньне падпісаў мэр Львова Андрэй Садовы, паведамляе Espresso.tv.

Войска ўмешвацца ня будзе

Узброеныя сілы Ўкраіны ня будуць удзельнічаць у падзеях, зьвязаных з акцыямі пратэсту ў Кіеве.

Пра гэта паведамляе «Інтэрфакс-Украіна» з спасылкай на прадстаўніка ведамства.

«Узброеныя сілы Ўкраіны супраць мітынгоўцаў ня будуць ужываць. Усе вайскоўцы і тэхніка знаходзяцца ў месцах пастаяннай дысьлякацыі», — заявіў ён.

Сутыкненьні зь «Беркутам» пачаліся ля адміністрацыі Януковіча

Як паведамляе «Еспресо.ТВ», у бок «Беркута», які стаіць на Лютэранскай вуліцы каля Адміністрацыі прэзыдэнта, ляцяць «кактэйлі Молатава».

Беларуса ў Кіеве забілі стрэлам у сэрца зь пісталета Макарава

Адзін зь лідэраў УНА-УНСО Мікола Карпюк: «Стралялі канкрэтна ў яго. Дваіх застрэлілі снайперы, а ў яго мент страляў зь пісталета Макарава. Ён адразу памёр. Куля яму трапіла ў сэрца. Хачу падзякаваць братняй беларускай нацыі за такога сур’ёзнага мужчыну і сына беларускай нацыі. Ён сапраўдны герой».

У Кіеве страляюць ці адстрэльваюць?

Ці выпадкова тое, што падчас украінскіх закалотаў былі застрэленыя прадстаўнікі іншых нацыянальнасьцяў? Мы пацікавіліся меркаваньнем кіеўскага журналіста Юрыя Сьвірко.