Прадпрымальніцу Надзею Айвазаву спрабуюць прымусова выселіць з “Прудкоўскага” рынку ў Гомелі. Летась Гомельскі абласны гаспадарчы суд задаволіў позву адміністрацыі рынку аб высяленьні спадарыні Айвазавай з гандлёвага месца. Надзея Айвазава абскардзіла гэтае рашэньне ў Вышэйшым гаспадарчым судзе.
Паводле старшыні аб’яднаньня “Пэрспэктыва” Анатоля Шумчанкі, уся праблема была з-за арэнднай платы:
“Справа ў тым, што яны заднім чыслом падвысілі арэндную плату і прадпрымальнікі з гэтым не пагадзіліся. І было многа такіх прадпрымальнікаў. Пасьля сёньняшняга суду зьявілася надзея, што справядлівасьць пераможа”.
