Днямі мы паведамлялі пра тое, што, згодна з пастановай сьледчага Уладзіміра Чумачэнкі, Антона мусяць пакласьці ў псыхіятрычны шпіталь. Бабуля хлопчыка наведала намесьніка гарадзкога пракурора і прасіла адмяніць пастанову. Той абяцаў падумаць. Якія наступствы візыту?
Насамрэч, пастанову не адмянілі. Больш за тое, сьледчы Ўладзімер Чумачэнка казаў мне, што абавязкова пакладзе Антона на абсьледваньне, бо дзейнічае ў межах крымінальна-працэсуальнага кодэксу. Ён паставіў перад судмэдэкспэртамі шэраг пытаньняў. Сярод іншых – ці не зьяўляецца Антон псыхічна хворым, ці мог ён зьдзейсьніць забойства ў стане псыхічнага ўзбуджэньня, і ў якім ён быў стане ў дзень забойства.
Натуральна, гэта выклікала хвалю абурэньня – тым больш, што Антон ужо быў у дзіцячым аддзяленьні псыхіятрычнага шпіталя ў лістападзе. Мэдыкі канстатавалі, што ў яго на тле гвалтоўнага забойства маці і допытаў у якасьці падазраванага наступіў шок. Пасьля лячэньня Антон пайшоў у школу і пачаў адаптоўвацца. Але пачаліся праблемы з ныркамі, і яму далі накіраваньне ў шпіталь. Менавіта за дзень да шпіталізацыі сьледчыя спрабавалі забраць яго са школы на прымусовае абсьледваньне. Тады сваякам Антона ўдалося забраць яго са школы.
Пасьля візыту ў пракуратуру стала зразумела, што хлопчыка ўсё роўна пакладуць на экспэртызу. Якое выйсьце знайшлі сваякі? Вось паслухайце, што казала маці Веранікі Чаркасавай:
(Чаркасава: ) “Па-першае, хвароба нырак. Па-другое, ён ужо цэлую чвэрць прапусьціў. З 20 кастрычніка са сваімі хваробамі, з допытамі, калі ён замест таго, каб у школу, хадзіў у пракуратуру. Цяпер яго на цэлы месяц адарваць ад вучобы… Гэта папросту нейкі жах. Калі пра гэта даведаліся яго бацька са сваёй жонкай, якая нармальна ставіцца да Антона, то яны прыехалі і забралі хлопца. Яны казалі, што пакладуць яго там у шпіталь і будуць лячыць. Бацька казаў, што не дазволіць праводзіць экспэрымэнты над сваім сынам”.
Бацька Антона Зьміцер Філімонаў жыве ў Маскве. Я пацікавілася ў юрыстаў, якія могуць быць захады з боку праваахоўных органаў. Мне адказалі, што пракуратура можа зьвярнуцца да расейскага боку, каб выдалі хлопца, які падазраецца ў забойстве, бо, згодна зь іх пастановай, яму трэба прайсьці прымусовую псыхіятрычную экспэртызу. Але, згодна з канвэнцыяй аб прававой дапамозе паміж Беларусьсю і Расеяй, экспэртызу можна правесьці і ў Маскве. Усё залежыць ад таго, якое рашэньне прымуць расейскія праваахоўныя органы.
Насамрэч, пастанову не адмянілі. Больш за тое, сьледчы Ўладзімер Чумачэнка казаў мне, што абавязкова пакладзе Антона на абсьледваньне, бо дзейнічае ў межах крымінальна-працэсуальнага кодэксу. Ён паставіў перад судмэдэкспэртамі шэраг пытаньняў. Сярод іншых – ці не зьяўляецца Антон псыхічна хворым, ці мог ён зьдзейсьніць забойства ў стане псыхічнага ўзбуджэньня, і ў якім ён быў стане ў дзень забойства.
Натуральна, гэта выклікала хвалю абурэньня – тым больш, што Антон ужо быў у дзіцячым аддзяленьні псыхіятрычнага шпіталя ў лістападзе. Мэдыкі канстатавалі, што ў яго на тле гвалтоўнага забойства маці і допытаў у якасьці падазраванага наступіў шок. Пасьля лячэньня Антон пайшоў у школу і пачаў адаптоўвацца. Але пачаліся праблемы з ныркамі, і яму далі накіраваньне ў шпіталь. Менавіта за дзень да шпіталізацыі сьледчыя спрабавалі забраць яго са школы на прымусовае абсьледваньне. Тады сваякам Антона ўдалося забраць яго са школы.
Пасьля візыту ў пракуратуру стала зразумела, што хлопчыка ўсё роўна пакладуць на экспэртызу. Якое выйсьце знайшлі сваякі? Вось паслухайце, што казала маці Веранікі Чаркасавай:
(Чаркасава: ) “Па-першае, хвароба нырак. Па-другое, ён ужо цэлую чвэрць прапусьціў. З 20 кастрычніка са сваімі хваробамі, з допытамі, калі ён замест таго, каб у школу, хадзіў у пракуратуру. Цяпер яго на цэлы месяц адарваць ад вучобы… Гэта папросту нейкі жах. Калі пра гэта даведаліся яго бацька са сваёй жонкай, якая нармальна ставіцца да Антона, то яны прыехалі і забралі хлопца. Яны казалі, што пакладуць яго там у шпіталь і будуць лячыць. Бацька казаў, што не дазволіць праводзіць экспэрымэнты над сваім сынам”.
Бацька Антона Зьміцер Філімонаў жыве ў Маскве. Я пацікавілася ў юрыстаў, якія могуць быць захады з боку праваахоўных органаў. Мне адказалі, што пракуратура можа зьвярнуцца да расейскага боку, каб выдалі хлопца, які падазраецца ў забойстве, бо, згодна зь іх пастановай, яму трэба прайсьці прымусовую псыхіятрычную экспэртызу. Але, згодна з канвэнцыяй аб прававой дапамозе паміж Беларусьсю і Расеяй, экспэртызу можна правесьці і ў Маскве. Усё залежыць ад таго, якое рашэньне прымуць расейскія праваахоўныя органы.
