(Главэр: ) “Мы былі заклапочаныя паліцэйскімі рэйдамі ў перадвыбарчых офісах, затрыманьнямі аднаго з кандыдатаў, удзельнікаў кампаніі ды ўнутраных назіральнікаў, а таксама шматлікімі паведамленьнямі аб прымусе галасаваць у дачыненьні да некаторых групаў, у прыватнасьці студэнтаў. Дзяржаўныя мэдыі прадэманстравалі моцную тэндэнцыйнасьць, адлюстроўваючы апазыцыю ў пераважна нэгатыўных тэрмінах і адначасова праводзячы пашыраную кампанію на карысьць цяперашніх уладных палітычных сілаў. Было ня толькі тэндэнцыйнае асьвятленьне ў сродках масавай інфармацыі — апазыцыйныя партыі не атрымалі амаль ніякага асьвятленьня, у той час як прэзыдэнт і ўрад мелі 90% асьвятленьня тых пытаньняў, якія былі зьвязаныя з выбарамі”.
Одры Главэр падала канкрэтныя прыклады масавых парушэньняў выбарчага заканадаўства Беларусі:
(Главэр: ) “Пераважалі пэўныя праблемы кшталту таго, што на 14% выбарчых участкаў прысутнічалі людзі без дазволу, на 7% выбарнікам дазвалялі галасаваць без пасьведчаньняў асобы, а ў 8% выпадкаў няправільна напаўняліся скрыні для галасаваньня. Але больш непакоіў падлік галасоў, які 60% нашых назіральнікаў ацанілі як кепскі. Падліку на бальшыні выбарчых участкаў, за якімі назіралі, бракавала празрыстасьці. Лічбы не агучваліся ўголас падчас іх высьвятленьня. Назіральнікам далі толькі абмежаваныя магчымасьці глядзець за працэсам, а працэдура запаўненьня пратаколаў не выконвалася. Былі выпадкі, калі пратаколы запаўняліся па-за межамі пакою, дзе лічылі галасы, пасьля тэлефонных размоваў зь невядомымі асобамі. У Баранавічах назіральнікі заўважылі, што ў некаторых скрынках для датэрміновага галасаваньня былі суцэльныя пачкі бюлетэняў, што мяркуе падкідваньне бюлетэняў”.
Одры Главэр падала канкрэтныя прыклады масавых парушэньняў выбарчага заканадаўства Беларусі:
(Главэр: ) “Пераважалі пэўныя праблемы кшталту таго, што на 14% выбарчых участкаў прысутнічалі людзі без дазволу, на 7% выбарнікам дазвалялі галасаваць без пасьведчаньняў асобы, а ў 8% выпадкаў няправільна напаўняліся скрыні для галасаваньня. Але больш непакоіў падлік галасоў, які 60% нашых назіральнікаў ацанілі як кепскі. Падліку на бальшыні выбарчых участкаў, за якімі назіралі, бракавала празрыстасьці. Лічбы не агучваліся ўголас падчас іх высьвятленьня. Назіральнікам далі толькі абмежаваныя магчымасьці глядзець за працэсам, а працэдура запаўненьня пратаколаў не выконвалася. Былі выпадкі, калі пратаколы запаўняліся па-за межамі пакою, дзе лічылі галасы, пасьля тэлефонных размоваў зь невядомымі асобамі. У Баранавічах назіральнікі заўважылі, што ў некаторых скрынках для датэрміновага галасаваньня былі суцэльныя пачкі бюлетэняў, што мяркуе падкідваньне бюлетэняў”.
