На Берасьцейскай фабрыцы сувэніраў, якая падпарадкавана ўпраўленьню справамі прэзыдэнта, людзі змагаліся за тое, каб ім выплацілі даплаты за выслугу гадоў, сумяшчэньне пасадаў, за складанасьць і напружанасьць працы. Сярэдні заробак на фабрыцы 165 тысяч рублёў, а даплаты складалі траціну альбо нават палову. Пакуль заплацілі толькі за ліпень, а вось за жнівень і верасень грошай не далі – усё гэта пасьля скаргі, якую работнікі напісалі ўпраўляючаму справамі прэзыдэнта Генадзю Лаўрэнкову і прыгразілі, што будуць байкатаваць выбары й рэфэрэндум.
Дырэктар фабрыкі Аляксандр Бужак рэагуе спакойна
(Бужак: ) “А я не ведаю вытворчасьці, дзе нармальная сытуацыя. Я лічу, што гэта такія цякучыя пытаньні. Цікавасьць проста выклікана тым, што рабочыя крыху эканоміку пераблыталі з палітыкай”.
Работніцаў фабрыкі пакуль супакоілі абяцаньнямі.
(Надзея: ) “Ой, паабяцалі, што вернуць, але не ведаю”.
(Тацяна: ) “Ня так даўно Аляксандар Рыгоравіч заявіў, што сярэдні заробак 170 даляраў, а ў нас на прадпрыемстве гэта далёка ня так”.
(Работніца: ) “Як можна пражыць за 30-50 тысяч у месяц? Быццам бы сказалі, што вернуць гэтыя даплаты. Але баімся, што рэфэрэндум пройдзе і наогул іх могуць не вярнуць, вось што”.
Працаўніцы фабрыкі кажуць, што жыць на свае заробкі немагчыма.
(Тацяна: ) “Калі за кватэру прыходзяць такія шалёныя сумы, ёсьць няпоўныя сем’і, маленькія дзеці, у кагосьці дзеці ў выпускным клясе, проста няма магчымасьці за ўсё гэта плаціць”.
Старшыня праўленьня фонда “Экон” Аляксандар Ярашук цьвердзіць, што, паводле разьлікаў экспэртаў, за апошнія 10 гадоў тыя ж работніцы Берасьцейскай фабрыкі сувэніраў маглі зарабіць на добрую кватэру.
(Ярашук: ) “Прадмет для параўнаньня – становішча ў той жа самай Польшчы. Сёньня там заробкі пад 600 даляраў. Калі б мы пайшлі па польскім шляху, дык, калі пералічыць штомесяц тое, што мы маглі б мець і што мы маем, то мы прыйдзем да высновы, што кожная сям’я за гэты час згубіла дзесьці чыстых заробкаў у памеры амаль 32 тысячы даляраў. Цэны ў нас, дарэчы, на нерухомасьць, на кватэры імкліва растуць, але, тым ня менш, за 32 тысячы даляраў сям’я магла б сабе спакойна двухпакаёўку прыдбаць”.
Паводле Аляксандра Ярашука, сытуацыя з выплатай заробкаў у Беларусі больш-менш стабільная, бо пакуль ёсьць вялікі попыт з боку Расеі на беларускія тавары й паслугі. Гэта зьвязана з цэнамі на нафту, якія пабілі ўсе рэкорды. Але гэта можа доўжыцца год, максымум паўтара – пачнуць падаць цэны, і гэта адразу адаб’ецца на каньюнктуры тавараў на расейскіх рынках, і ўрэшце – на стабільнасьці заробкаў беларусаў.
Дырэктар фабрыкі Аляксандр Бужак рэагуе спакойна
(Бужак: ) “А я не ведаю вытворчасьці, дзе нармальная сытуацыя. Я лічу, што гэта такія цякучыя пытаньні. Цікавасьць проста выклікана тым, што рабочыя крыху эканоміку пераблыталі з палітыкай”.
Работніцаў фабрыкі пакуль супакоілі абяцаньнямі.
(Надзея: ) “Ой, паабяцалі, што вернуць, але не ведаю”.
(Тацяна: ) “Ня так даўно Аляксандар Рыгоравіч заявіў, што сярэдні заробак 170 даляраў, а ў нас на прадпрыемстве гэта далёка ня так”.
(Работніца: ) “Як можна пражыць за 30-50 тысяч у месяц? Быццам бы сказалі, што вернуць гэтыя даплаты. Але баімся, што рэфэрэндум пройдзе і наогул іх могуць не вярнуць, вось што”.
Працаўніцы фабрыкі кажуць, што жыць на свае заробкі немагчыма.
(Тацяна: ) “Калі за кватэру прыходзяць такія шалёныя сумы, ёсьць няпоўныя сем’і, маленькія дзеці, у кагосьці дзеці ў выпускным клясе, проста няма магчымасьці за ўсё гэта плаціць”.
Старшыня праўленьня фонда “Экон” Аляксандар Ярашук цьвердзіць, што, паводле разьлікаў экспэртаў, за апошнія 10 гадоў тыя ж работніцы Берасьцейскай фабрыкі сувэніраў маглі зарабіць на добрую кватэру.
(Ярашук: ) “Прадмет для параўнаньня – становішча ў той жа самай Польшчы. Сёньня там заробкі пад 600 даляраў. Калі б мы пайшлі па польскім шляху, дык, калі пералічыць штомесяц тое, што мы маглі б мець і што мы маем, то мы прыйдзем да высновы, што кожная сям’я за гэты час згубіла дзесьці чыстых заробкаў у памеры амаль 32 тысячы даляраў. Цэны ў нас, дарэчы, на нерухомасьць, на кватэры імкліва растуць, але, тым ня менш, за 32 тысячы даляраў сям’я магла б сабе спакойна двухпакаёўку прыдбаць”.
Паводле Аляксандра Ярашука, сытуацыя з выплатай заробкаў у Беларусі больш-менш стабільная, бо пакуль ёсьць вялікі попыт з боку Расеі на беларускія тавары й паслугі. Гэта зьвязана з цэнамі на нафту, якія пабілі ўсе рэкорды. Але гэта можа доўжыцца год, максымум паўтара – пачнуць падаць цэны, і гэта адразу адаб’ецца на каньюнктуры тавараў на расейскіх рынках, і ўрэшце – на стабільнасьці заробкаў беларусаў.
