Паплечнікі Дзяніса Нібійка, Міхала Шарамета ды іншых затрыманых актывістаў моладзевага дэмакратычнага руху будуць у судзе Савецкага раёну ад пачатку працоўнага дня. Сябра незарэгістраванай арганізацыі “Вольная моладзь” Міхала Шарамета затрымалі каля дому, калі ён вяртаўся з парку Дружбы народаў пасьля канцэрту. Актывіст незарэгістраванай арганізацыі “Вольная моладзь” Мікіта Красноў распавёў “Свабодзе”, што за Міхалам сачылі супрацоўнікі міліцыі ў цывільным.
(Красноў:) “Пасьля таго, як сталі разыходзіцца, за ім пайшлі супрацоўнікі міліцыі да самага дома. Міхал даехаў да Акадэміі Навук і адтуль патэлефанаваў, а потым яго затрымалі каля дома на Сталетава.
Некалькіх удзельнікаў акцыі 16 верасьня затрымалі пасьля заканчэньня канцэрту, які скончыўся на паўгадзіны раней дазволенага тэрміну з-за выключэньня электрычнасьці. Некалькі чалавек трымалі ў аддзеле міліцыі да самай раніцы.
17 верасьня каля двух дзесяткаў маладых людзей спрабавалі правесьці флэш моб на знак пратэсту супраць арышту Зьмітра Дашкевіча спачатку на Кастрычніцкай плошчы. Байцы спэцназу міліцыі затрымалі іх яшчэ да пачатку акцыі. Руслана Матвеева, Даніла Барысевіча і Алеся Сьцяпанцова каля 40 хвілінаў пратрымалі ў міліцэйскім аўтобусе, а потым адвезьлі ў аддзел міліцыі Цэнтральнага раёну. Руслан Матвееў распавёў, чым гэта скончылася:
(Матвееў:) “У нашых заплечніках знаходзіліся партрэты палітвязьняў. У маім быў партрэт Аляксандра Казуліна, а ў майго сябра – Цімафея Дранчука. На нас у міліцыі толькі склалі рапарты”.
Некалькі чалавек правялі флэш моб каля кінатэатру “Кастрычнік”. Яны прастаялі 20 хвілінаў з партрэтамі Зьмітра Дашкевіча. Яшчэ некалькі партрэтаў лідэра “Маладога фронту” прымацавалі на рэклямных слупах. Калі туды пад’ехаў аўтазак, маладыя людзі падзяліліся на маленькія гурты і разышліся. Гаворыць актывістка “Маладога фронту” Наста Палажанка:
(Палажанка:) “Мы будзем змагацца за тых людзей, якіх ад нас забіраюць. Тое, што арыштавалі майго лепшага сябра і нашага паплечніка Зьмітра Дашкевіча азначае, што мы прадэманструем уладзе, што нельга папросту так забіраць нашых сяброў, якія аддадуць сваё жыцьцё за краіну. Зьехаць за мяжу, гэта значыць вырашыць сваё жыцьцё, напрыклад, сваю адукацыю, працу, а мы рызыкуем не дзеля сябе, а дзеля таго, каб нашы дзеці жылі ў вольнай краіне Беларусь”.
Сёньня адвакат Зьмітра Дашкевіча Аляксандар Галіеў будзе сустракацца са сьледчым, каб зьмяніць меру стрыманьня. Зьміцер Дашкевіч, які ад пачатку акцыі салідарнасьці з палітвязьнямі быў адным з самых актыўных яе удзельнікаў, цяпер сам знаходзіцца за кратамі Валадаркі. Яму пагражае зьняволеньне да двух гадоў. Ягоныя паплечнікі, у тым ліку й тыя, якія вучацца ў замежжы, ладзілі акцыю салідарнасьці, патрабуючы вызваленьня Зьмітра.
Сёньня ж у суд Цэнтральнага раёну Менску з турмы на Акрэсьціна прывязуць Вячаслава Сіўчыка. Судзьдзя Іна Шэйко перагледзіць адміністрацыйны пратакол на апазыцыянэра, які, згодна з завочным прысудам, адбывае 10 сутак арышту.
На здымку: пікет 16 верасьня ў Таліне
(Красноў:) “Пасьля таго, як сталі разыходзіцца, за ім пайшлі супрацоўнікі міліцыі да самага дома. Міхал даехаў да Акадэміі Навук і адтуль патэлефанаваў, а потым яго затрымалі каля дома на Сталетава.
Некалькіх удзельнікаў акцыі 16 верасьня затрымалі пасьля заканчэньня канцэрту, які скончыўся на паўгадзіны раней дазволенага тэрміну з-за выключэньня электрычнасьці. Некалькі чалавек трымалі ў аддзеле міліцыі да самай раніцы.
17 верасьня каля двух дзесяткаў маладых людзей спрабавалі правесьці флэш моб на знак пратэсту супраць арышту Зьмітра Дашкевіча спачатку на Кастрычніцкай плошчы. Байцы спэцназу міліцыі затрымалі іх яшчэ да пачатку акцыі. Руслана Матвеева, Даніла Барысевіча і Алеся Сьцяпанцова каля 40 хвілінаў пратрымалі ў міліцэйскім аўтобусе, а потым адвезьлі ў аддзел міліцыі Цэнтральнага раёну. Руслан Матвееў распавёў, чым гэта скончылася:
(Матвееў:) “У нашых заплечніках знаходзіліся партрэты палітвязьняў. У маім быў партрэт Аляксандра Казуліна, а ў майго сябра – Цімафея Дранчука. На нас у міліцыі толькі склалі рапарты”.
Некалькі чалавек правялі флэш моб каля кінатэатру “Кастрычнік”. Яны прастаялі 20 хвілінаў з партрэтамі Зьмітра Дашкевіча. Яшчэ некалькі партрэтаў лідэра “Маладога фронту” прымацавалі на рэклямных слупах. Калі туды пад’ехаў аўтазак, маладыя людзі падзяліліся на маленькія гурты і разышліся. Гаворыць актывістка “Маладога фронту” Наста Палажанка:
(Палажанка:) “Мы будзем змагацца за тых людзей, якіх ад нас забіраюць. Тое, што арыштавалі майго лепшага сябра і нашага паплечніка Зьмітра Дашкевіча азначае, што мы прадэманструем уладзе, што нельга папросту так забіраць нашых сяброў, якія аддадуць сваё жыцьцё за краіну. Зьехаць за мяжу, гэта значыць вырашыць сваё жыцьцё, напрыклад, сваю адукацыю, працу, а мы рызыкуем не дзеля сябе, а дзеля таго, каб нашы дзеці жылі ў вольнай краіне Беларусь”.
Сёньня адвакат Зьмітра Дашкевіча Аляксандар Галіеў будзе сустракацца са сьледчым, каб зьмяніць меру стрыманьня. Зьміцер Дашкевіч, які ад пачатку акцыі салідарнасьці з палітвязьнямі быў адным з самых актыўных яе удзельнікаў, цяпер сам знаходзіцца за кратамі Валадаркі. Яму пагражае зьняволеньне да двух гадоў. Ягоныя паплечнікі, у тым ліку й тыя, якія вучацца ў замежжы, ладзілі акцыю салідарнасьці, патрабуючы вызваленьня Зьмітра.
Сёньня ж у суд Цэнтральнага раёну Менску з турмы на Акрэсьціна прывязуць Вячаслава Сіўчыка. Судзьдзя Іна Шэйко перагледзіць адміністрацыйны пратакол на апазыцыянэра, які, згодна з завочным прысудам, адбывае 10 сутак арышту.
На здымку: пікет 16 верасьня ў Таліне
