Мікола Астрэйка, якога пакаралі двума гадамі пазбаўленьня волі, знаходзіцца ў камэры сьледчага ізалятару КДБ. У так званай “амэрыканцы” трымаюць і Цімафея Дранчука. Яго пакаралі зьняволеньнем на год. Эніра Браніцкая й Аляксандар Шалайка, якія атрымалі пакараньне арыштам на 6 месяцаў, знаходзяцца на Валадарцы. 21 жніўня яны выйдуць на волю й змогуць распавесьці пра акалічнасьці справы.
Сваякі пакараных актывістаў “Партнэрства” сёньня атрымалі дазвол у судзьдзі Леаніда Ясіновіча на спатканьне. Міколу Астрэйку наведала ягоная адвакатка Валянціна Шыханцова. Яна паведаміла, што вязень трымаецца бадзёра й мае намер бліжэйшым часам падаць скаргу на вырак суду ў вышэйшыя інстанцыі, але пакуль не атрымаў копіі прысуду. Маці Міколы, Яўгенія Астрэйка, перадала яму харчовую перадачу.
(Астрэйка: ) “Перасталі плакаць, заняліся справай. Заўтра ў 9 гадзін я пайду да яго, а ў сераду – Поля. Сёньня перадала Колі перадачу. Бо два тыдні не перадавала: думала, што хутка, можа, усё скончыцца… Ён пісаў нават, што ня трэба перадаваць: “У мяне ўсё ёсьць”. Перадала ежу, сок, садавіну, гародніну – усё, што было дома. Сьлівы ў нас сасьпелі, яблыкі свае… Што змагла, тое й сабрала, – 15 кг. Дзякуй Богу, узялі. Хоць нечаму там парадуецца”.
Хутчэй за ўсё, днямі Міколу й Цімафея перавядуць на Валадарку. А пакуль маюць разглядаць апэляцыі, хлопцы будуць знаходзіцца ў ізалятары. Толькі пасьля набыцьця прысудам законнае сілы іх перавядуць у калёніі агульнага рэжыму.
Аляксандар Шалайка паведаміў адвакатцы, што ня бачыць пэрспэктывы абскарджаньня прысуду. Вера Страмкоўская, аднак, лічыць: трэба дабівацца апраўданьня.
(Страмкоўская: ) “Шалайка ня хоча скардзіцца ў касацыйную інстанцыю. Кажа, што ня мае больш даверу да судовых інстанцый. Аляксандар лічыць, што ў гэтай сытуацыі быць зь сям’ёй, каб другое дзіця нарадзілася пры ім, –куды важней. Пакуль ішло сьледзтва, я колькі разоў скардзілася на парушэньне правоў затрыманых на абарону. Я нават сёньня яшчэ ня маю адказаў на мае ўсе гэтыя скаргі”.
Палітыкі, паплечнікі актывістаў “Партнэрства” з дэмакратычнага руху абураны жорсткім прысудам: Міколу Астрэйку, Эніру Браніцкую, Аляксандра Шалайку й Цімафея Дранчука пакаралі толькі за тое, што яны ўдзельнічалі ў незарэгістраванай арганізацыі, якую стваралі для назіраньня за выбарамі. Летась Эніра, Аляксандар і Мікола былі арыштаваны за спробу правесьці ўстаноўчую канфэрэнцыю й выканаць усе належныя працэдуры для рэгістрацыі аб’яднаньня.
Былы кандыдат на пасаду прэзыдэнта Аляксандар Казулін, якога пакаралі пазбаўленьнем волі на пяць з паловай гадоў, накіраваў актывістам “Партнэрства” ліст падтрымкі. Дзярждэпартамэнт ЗША й Эўрапарлямэнт выказалі занепакоенасьць з прычыны перасьледу й жорсткіх прысудаў дэмакратычным актывістам.
Сваякі пакараных актывістаў “Партнэрства” сёньня атрымалі дазвол у судзьдзі Леаніда Ясіновіча на спатканьне. Міколу Астрэйку наведала ягоная адвакатка Валянціна Шыханцова. Яна паведаміла, што вязень трымаецца бадзёра й мае намер бліжэйшым часам падаць скаргу на вырак суду ў вышэйшыя інстанцыі, але пакуль не атрымаў копіі прысуду. Маці Міколы, Яўгенія Астрэйка, перадала яму харчовую перадачу.
(Астрэйка: ) “Перасталі плакаць, заняліся справай. Заўтра ў 9 гадзін я пайду да яго, а ў сераду – Поля. Сёньня перадала Колі перадачу. Бо два тыдні не перадавала: думала, што хутка, можа, усё скончыцца… Ён пісаў нават, што ня трэба перадаваць: “У мяне ўсё ёсьць”. Перадала ежу, сок, садавіну, гародніну – усё, што было дома. Сьлівы ў нас сасьпелі, яблыкі свае… Што змагла, тое й сабрала, – 15 кг. Дзякуй Богу, узялі. Хоць нечаму там парадуецца”.
Хутчэй за ўсё, днямі Міколу й Цімафея перавядуць на Валадарку. А пакуль маюць разглядаць апэляцыі, хлопцы будуць знаходзіцца ў ізалятары. Толькі пасьля набыцьця прысудам законнае сілы іх перавядуць у калёніі агульнага рэжыму.
Аляксандар Шалайка паведаміў адвакатцы, што ня бачыць пэрспэктывы абскарджаньня прысуду. Вера Страмкоўская, аднак, лічыць: трэба дабівацца апраўданьня.
(Страмкоўская: ) “Шалайка ня хоча скардзіцца ў касацыйную інстанцыю. Кажа, што ня мае больш даверу да судовых інстанцый. Аляксандар лічыць, што ў гэтай сытуацыі быць зь сям’ёй, каб другое дзіця нарадзілася пры ім, –куды важней. Пакуль ішло сьледзтва, я колькі разоў скардзілася на парушэньне правоў затрыманых на абарону. Я нават сёньня яшчэ ня маю адказаў на мае ўсе гэтыя скаргі”.
Палітыкі, паплечнікі актывістаў “Партнэрства” з дэмакратычнага руху абураны жорсткім прысудам: Міколу Астрэйку, Эніру Браніцкую, Аляксандра Шалайку й Цімафея Дранчука пакаралі толькі за тое, што яны ўдзельнічалі ў незарэгістраванай арганізацыі, якую стваралі для назіраньня за выбарамі. Летась Эніра, Аляксандар і Мікола былі арыштаваны за спробу правесьці ўстаноўчую канфэрэнцыю й выканаць усе належныя працэдуры для рэгістрацыі аб’яднаньня.
Былы кандыдат на пасаду прэзыдэнта Аляксандар Казулін, якога пакаралі пазбаўленьнем волі на пяць з паловай гадоў, накіраваў актывістам “Партнэрства” ліст падтрымкі. Дзярждэпартамэнт ЗША й Эўрапарлямэнт выказалі занепакоенасьць з прычыны перасьледу й жорсткіх прысудаў дэмакратычным актывістам.
