“Радыя вітаць вас у нашым тралейбусе, прысьвечаным 125-годзьдзю славутага паэта, беларускага песьняра Янкі Купалы”, — гэтак віталі пасажыраў у тралейбусе імя Янкі Купалы.
Пра ідэю незвычайна адсьвяткаваць юбілей песьняра апавёў “Свабодзе” адзін з ініцыятараў акцыі Дзьмітры Дзьмітрыеў:
“Прапагандаваць нейкія беларускія ідэі ў нейкіх вузкіх колах вельмі складана. Грамадзкі транспарт дужа зручны — тым больш, што яны прапануюць экскурсійныя паслугі, і я падумаў — чаму б не скарыстацца з гэтай паслугі, каб данесьці беларускае слова да нашых людзей? Яны беларускае слова чуюць усё радзей і радзей”.
Тралейбус імя Янкі Купалы зрабіў чатыры рэйсы за дзьве гадзіны. За гэты час ён перавез каля ста пяцідзесяці пасажыраў, кожны зь якіх атрымаў буклет пра паэта.
У тралейбусе гучалі вершы Янкі Купалы, праводзілася віктарына для пасажыраў.
А хто там ідзе, а хто там ідзе У агромністай такой грамадзе? — Беларусы. А што яны нясуць на худых плячах, на руках ў крыві, на нагах у лапцях? — Сваю крыўду.
Праезд у тралейбусе быў бясплатны, што зьдзіўляла пасажыраў:
“Заходзьце, калі ласка, праезд у гэтым тралейбусе бясплатны. Тралейбус едзе да чыгуначнага вакзалу. А далей да плошчы Арджанікідзэ з усімі прыпынкамі”.
Уражаньнямі ад паездкі падзяліліся некаторыя пасажыры.
“Вельмі хвалюючы момант — гэты тралейбус, гэты маршрут, які сёньня прыдумалі. Тут і жартаўліва й весела. Тут ёсьць людзі, якія зьдзіўляюцца, якія не разумеюць, ці ім увайсьці, ці гэта жарт, можа не заходзіць. Найперш калі заходзіш, то разумееш, што гэта вельмі кранальная сытуацыя, і толькі шкада пра тое, што гэта адбываецца ня кожны дзень”, — сказаў адзін пасажыр.
“На першы погляд — як нейкая правакацыя, але потым разумееш, што гэта вельмі цудоўна, настрой уздымаецца адразу ж. Прыемна, да плошчы Арджанікідзе паеду”, — заявіла іншая спадарыня.
“Мне проста тут хораша. Тут весела, тут гучыць родная мова. Тут вельмі шмат моладзі”, — кажа пасажырка купалаўскага тралейбуса.
“Тралейбус Купалы”
Арганізатары акцыі
Буклет, які сёньня раздавалі пасажырам
Пра ідэю незвычайна адсьвяткаваць юбілей песьняра апавёў “Свабодзе” адзін з ініцыятараў акцыі Дзьмітры Дзьмітрыеў:
“Прапагандаваць нейкія беларускія ідэі ў нейкіх вузкіх колах вельмі складана. Грамадзкі транспарт дужа зручны — тым больш, што яны прапануюць экскурсійныя паслугі, і я падумаў — чаму б не скарыстацца з гэтай паслугі, каб данесьці беларускае слова да нашых людзей? Яны беларускае слова чуюць усё радзей і радзей”.
Тралейбус імя Янкі Купалы зрабіў чатыры рэйсы за дзьве гадзіны. За гэты час ён перавез каля ста пяцідзесяці пасажыраў, кожны зь якіх атрымаў буклет пра паэта.
У тралейбусе гучалі вершы Янкі Купалы, праводзілася віктарына для пасажыраў.
А хто там ідзе, а хто там ідзе У агромністай такой грамадзе? — Беларусы. А што яны нясуць на худых плячах, на руках ў крыві, на нагах у лапцях? — Сваю крыўду.
Праезд у тралейбусе быў бясплатны, што зьдзіўляла пасажыраў:
“Заходзьце, калі ласка, праезд у гэтым тралейбусе бясплатны. Тралейбус едзе да чыгуначнага вакзалу. А далей да плошчы Арджанікідзэ з усімі прыпынкамі”.
Уражаньнямі ад паездкі падзяліліся некаторыя пасажыры.
“Вельмі хвалюючы момант — гэты тралейбус, гэты маршрут, які сёньня прыдумалі. Тут і жартаўліва й весела. Тут ёсьць людзі, якія зьдзіўляюцца, якія не разумеюць, ці ім увайсьці, ці гэта жарт, можа не заходзіць. Найперш калі заходзіш, то разумееш, што гэта вельмі кранальная сытуацыя, і толькі шкада пра тое, што гэта адбываецца ня кожны дзень”, — сказаў адзін пасажыр.
“На першы погляд — як нейкая правакацыя, але потым разумееш, што гэта вельмі цудоўна, настрой уздымаецца адразу ж. Прыемна, да плошчы Арджанікідзе паеду”, — заявіла іншая спадарыня.
“Мне проста тут хораша. Тут весела, тут гучыць родная мова. Тут вельмі шмат моладзі”, — кажа пасажырка купалаўскага тралейбуса.
“Тралейбус Купалы”
Арганізатары акцыі
Буклет, які сёньня раздавалі пасажырам
