Аб запыце прапаноў ВПС ЗША на такі самалёт аб’явілі ў 2023 годзе. Чакаецца, што Пэнтагон закупіць не меней як 200 такіх самалётаў.
Аб перамозе Boeing у тэндэры, названым Next Generation Air Dominance Fighter, паведаміў у пятніцу прэзыдэнт ЗША Дональд Трамп сумесна з міністрам абароны Пітам Хэгсэтам. Зьнішчальнік паступіць на ўзбраеньне пад назовам F-47, піша Reuters.
ВПС ЗША хочуць атрымаць новы самалёт, што валодае далёкасьцю, хуткасьцю і прыхаванасьцю, якія дазводяць яму супрацьстаяць сучасным і пэрспэктыўным сыстэмам узбраеньня патэнцыйных супернікаў, напрыклад, Расеі і Кітая.
Мяркуецца, што гэтыя зьнішчальнікі будуць суправаджацца ў баявых вылетах аўтаматызаванымі бесьпілётнікамі-кампаньёнамі.
Кошт кантракта на распрацоўку і першапачатковую вытворчасьць самалёта ацэньваецца ў 20 мільярдаў даляраў, паведамляе агенцтва Reuters. Кожны самалёт па прагнозах будзе каштаваць каля 300 мільёнаў даляраў, што азначае, агульны кошт праграмы можа перавысіць 80 мільярдаў.
У войсках F-47 заменіць F-22, распрацаваны карпарацыяй Lockheed Martin. Гэтая карпарацыя таксама ўдзельнічала ў тэндэры на новы зьнішчальнік, але прайграла яго.
Форум