31 студзеня 1975 году ў Менску нарадзіўся папулярны беларускі пісьменьнік Альгерд Бахарэвіч. Першыя тэксты пачаў публікаваць яшчэ на пачатку 1990-х гадоў. Быў адным з заснавальнікаў літаратурна-мастацкага руху «Бум-Бам-Літ». Аўтар шэрагу вядомых кніг, перакладзеных на розныя мовы сьвету. Сюжэты неаднойчы ўвасабляліся ў тэатральныя пастаноўкі.
Сярод асноўных твораў — «Праклятыя госьці сталіцы», «Сарока на шыбеніцы», «Гамбурскі рахунак Бахарэвіча», «Шабаны. Гісторыя аднаго зьнікненьня», «Дзеці Аліндаркі», «Апошняя кніга пана А.», «Сабакі Эўропы» і іншыя.
У гэты дзень
1563 — Іван Жахлівы пачаў аблогу Полацку.
1918 — у Петраградзе пры СНК РСФСР утвораны Беларускі нацыянальны камісарыят на чале з Аляксандрам Чарвяковым. Белнацкам — у процівагу ўраду БНР — вёў агітацыйную, культурна-асьветніцкую, выдавецкую працу, прапагандуючы ідэю стварэньня беларускай савецкай дзяржавы. Ажыцьцяўляў масавую агітацыю і прапаганду ідэй савецкай улады.
1918 — Савецкая Расея перайшла на грыгарыянскі каляндар. Пасьля 31 студзеня настала 14 лютага.
1943 — нацысты зьнішчылі гета ў Пружанах.
1946 — «выклятыя жаўнеры» з аддзелу Бурага забілі 30 праваслаўных фурманаў з 12 вёсак на Гайнаўшчыне, якія на загад улады паехалі ў пушчу нарыхтоўваць дровы для школы.
1957 — у Менску заснаваны Дзяржаўны музэй Беларусі (цяпер Нацыянальны музэй гісторыі і культуры Беларусі).
2020 — Вялікая Брытанія выйшла з Эўрапейскага Зьвязу.
У гэты дзень нарадзіліся
1833 — Станіслаў Сільвястровіч, у 1863 годзе паўстанцкі начальнік Горадзенскага ваяводзтва.
1892 — Алесь Гурло, беларускі паэт, празаік, перакладнік, лінгвіст. Удзельнік штурму Зімовага палаца ў Пецярбургу, сябра Тэрміналягічнай камісіі АН Беларусі.
1926 — Міхась Міцкевіч, сын Якуба Коласа, зьберагальнік ягонае спадчыны і памяці.
1929 — Анатоль Грыцкевіч, беларускі гісторык.
1935 — Кэндзабура Оэ, японскі пісьменьнік, ляўрэат Нобэлеўскай прэміі.
1946 — Мікола Купава, беларускі мастак-графік, дзяяч нацыянальнага адраджэньня.
1975 — Альгерд Бахарэвіч, пісьменьнік, аўтар РС.
У памяці
1930 — Бэнэдыкт Дыбоўскі, заоляг, прыродазнаўца, лекар, публіцыст, удзельнік паўстаньня 1863–1864 гадоў. Адпраўлены расейцамі на катаргу ў Сыбір.
1940 — Зьміцер Прышчэпаў, дзяржаўны дзяяч, наркам земляробства ў БССР у 1920-х гадох, ахвяра сталінскіх рэпрэсіяў.
2005 — Кастусь Рамановіч, удзельнік падпольнага Саюзу вызваленьня Беларусі ў Наваградку, вязень савецкіх канцлягераў.
2013 — Мікалай Амельяновіч, беларускі дзяржаўны дзяяч, першы старшыня праўленьня Нацыянальнага банку Рэспублікі Беларусь.