У адпаведным пераліку на сайце Міністэрства ўнутраных спраў арганізацыя пакуль не фігуруе.
Сілавікі пагражаюць прыцягнуць да крымінальнай адказнасьці арганізатараў і ўдзельнікаў фонду за «арганізацыю дзейнасьці ў падрыхтоўцы замахаў на сувэрэнітэт і грамадзкую бясьпеку Беларусі, дыскрэдытацыю і абразу службовых асобаў».
Сярод асобаў, якія маюць дачыненьне да фонду, сілавікі назвалі сьпявачку Анжаліку Агурбаш, якая цяпер жыве ў Расеі.
Belarus Women’s Foundation (Беларускі жаночы фонд), як зазначаецца на сайце арганізацыі, змагаецца «супраць рэпрэсій жанчын у Беларусі, якія зьдзяйсьняюцца рэжымам Лукашэнкі» і «за вызваленьне жанчын-палітвязьняў», «дапамагае рэпрэсаваным жанчынам Беларусі» і «згуртоўвае сусьветную супольнасьць супраць дыктатарскага рэжыму Лукашэнкі».
Прэзыдэнтам Беларускага жаночага фонду зьяўляецца Вераніка Цапкала. Анжаліка Агурбаш у адным з ранейшых артыкулаў на сайце арганізацыі названая «сябрам рады дырэктараў».
Форум