Выйшаў на волю палітзьняволены бізнэсмэн Багдан Каравец. Пра сваё вызваленьне Багдан Каравец ускосна паведаміў сам, пачаўшы весьці старонку ў фэйсбуку, заўважыла «Наша Ніва».
Багдан Каравец — бізнэсовец, заснавальнік кампаніі Astronim, якая займаецца распрацоўкай сайтаў.
Яго затрымалі 24 кастрычніка 2022 году ў межах крымінальнай справы аб актыўным удзеле ў групавых дзеяньнях, што груба парушаюць грамадзкі парадак (ч. 1 арт. 342 Крымінальнага кодэксу).
Судзілі Багдана разам з экспэрткай у этыкеце Аксанай Зарэцкай. 14 сакавіка 2023 году судзьдзя Кацярына Мурашка прызнала Караўца вінаватым і прызначыла яму два гады зьняволеньня ў калёніі ва ўмовах агульнага рэжыму.
Адбываў пакараньне ён у ПК № 17 у Шклове. Выйшаў на волю, адбыўшы ўвесь прызначаны тэрмін, які канчаўся 11 ліпеня.
Форум