На здымках з экранаў падчас трансьляцыі Алімпіяды ў Парыжы бачна, што беларусы выступаюць без выявы чырвона-зялёнага сьцяга, як і прадугледжваюць правілы, вызначыныя Міжнародным алімпійскім камітэтам.
Напрыклад, весьляры былі апранутыя ў белы і шэры колеры, заўважыла «Трыбуна». Ім забаронена як мець дзяржаўную сымболіку на форме, так і выкарыстоўваць слова «Беларусь».
Першымi зь беларускiх спартоўцаў стартавалi прадстаўнiкi акадэмiчнага веславаньня Яўген Залаты i Тацяна Клiмовiч. Яны пераадолелі першы этап спаборніцтваў і прайшлі далей. Перад Гульнямі францускія ўлады адмовіліся прапускаць у краіну лодкі беларускіх спартоўцаў. Праўдападобна, што лодкі беларусы ўзялі ў арэнду па лініі МАК.
Таксама ў наступную фазу спаборніцтваў прабіўся і плывец Ільля Шымановіч.
Форум