Служба бясьпекі Ўкраіны апублікавала відэа вызваленьня ўкраінскіх грамадзян. Як бачна на ім, іх перадалі ўкраінскаму боку на мяжы Берасьцейскай і Валынскай абласьцей, мяжу яны прайшлі пехатой, а потым іх даставілі ў Кіеў на верталёце.
Як відаць на відэа, некаторыя перамяшчаюцца на інвалідных вазках.
28 чэрвеня чора былі вызваленыя 10 украінцаў, пяцёра зь якіх утрымліваліся ў беларускіх турмах.
Гэта Мікола Швец, якога абвінавачвалі ў дывэрсіі ў аэрапорце ў Мачулішчах, а таксама Павел Купрыенка, Натальля Захаранка, Людміла Ганчарэнка і Кацярына Бруханава, асуджаныя на розныя тэрміны ў Беларусі.
«Гэта вынік працы Абʼяднанага цэнтра па каардынацыі пошуку і вызваленьня ваеннапалонных, які выконваў рашэньне Каардынацыйнага штаба па пытаньнях абыходжаньня з ваеннапалоннымі», — гаворыцца ў паведамленьні СБУ.
Форум