З такой заявай выступіла дырэктарка Нацыянальнай выведкі ЗША Аўрыл Гэйнз на слуханьнях у сэнацкім Камітэце выведкі. Пра гэта паведаміў «Голас Амэрыкі».
Расея застаецца самай актыўнай замежнай пагрозай для выбараў у ЗША, — сказала Гэйнз. — Мэты расейскага ўраду ў такіх апэрацыях уплыву, як правіла, уключаюць падрыў даверу да дэмакратычных інстытутаў ЗША, абвастрэньне сацыяльна-палітычных рознагалосьсяў у Злучаных Штатах і аслабленьне падтрымкі Ўкраіны з боку Захаду, падкрэсьліла дырэктарка Нацыянальнай выведкі.
Камітэты Кангрэсу пачалі вывучаць паведамленьні аб замежных, у прыватнасьці расейскіх, спробах паўплываць на амэрыканскую грамадзкую думку пасьля таго, як выведслужбы ЗША палічылі, што структуры, якія падтрымліваюцца Крамлём, імкнуліся павысіць шанцы Дональда Трампа на перамогу ў 2016 годзе.
Як ацэньвае Гэйнз, намаганьні ўраду ў абароне выбараў сталі больш эфэктыўнымі пасьля прэзыдэнцкіх выбараў 2016 году.
Слуханьні, якія адбыліся ў сераду, сталі першымі адкрытымі слуханьнямі камітэту на тэму выбараў у ЗША ў 2024 годзе.
Форум