Вынікі выбараў могуць пакінуць крайнюю правую партыю Chega як кіроўную ролю, хоць асноўныя канкурэнты паабяцалі адысьці ад яе. Выбары адбываюцца праз чатыры месяцы пасьля адстаўкі Антоніё Косты з пасады прэм’ер-міністра ў сувязі з абвінавачваньнямі ў хабарніцтве. Косту ня выставілі абвінавачаньні, але сьледчыя арыштавалі кіраўніка ягонага штабу па меркаваных парушэньнях у дзяржаўных кантрактах.
Гэтая справа дазволіла Андрэ Вэнтуру, які ўзначальвае партыю Chega (Досыць) засяродзіць сваю кампанію на тэмах карупцыі і іміграцыі. піша ВВС.
Нягледзячы на эканамічны рост пры сацыялістах, партугальскія выбарцы непакояцца аб высокай інфляцыі, пагаршэньні сфэры камунальных паслуг і жыльлёвым крызісе.
Вэнтура, былы правацэнтрысцкі дарадца і калісьці сьвятар-стажор, зрабіў сабе імя на нацыянальнай тэлевізіі як футбольны камэнтатар. Ён заклікаў да рэзкіх зрухаў у палітыцы, і пад яго кіраўніцтвам партыя набрала 7% галасоў на выбарах у заканадаўчыя органы 2022 году.
Апытаньні паказваюць, што цяпер партыя можа падвоіць свой папярэдні вынік, што патэнцыйна можа ўтрымаць ва ўладзе правацэнтрысцкі ўрад меншасьці. Лідэр правацэнтрысцкага Дэмакратычнага альянсу Луіс Мантэнэгра заявіў, аднак, што ня будзе дамагацца падтрымкі Chega для сваёй праграмы зьніжэньня падаткаў і рэформаў свабоднага рынку.
Сацыялістаў узначальвае Пэдра Нуну Сантуш, былы міністар, які абараняў здабыткі ўраду: за восем гадоў праўленьня сацыялістаў беспрацоўе ў Партугаліі зьнізілася, а эканоміка вырасла летась на 2,3%.
Для галасаваньня на выбарах 230 членаў парлямэнту зарэгістраваліся 10,8 мільёна чалавек.
