Сярод іх — 48-гадовы Ўладзіслаў Наважылаў, адзін з заснавальнікаў легендарнага мэтал-гурту Gods Tower, аўтар, музыка і рэжысэр. Цяпер ён жыве ў Літве.
21 красавіка 2021 году Наважылава затрымалі і ў чэрвені асудзілі на тры гады абмежаваньня волі ва ўстанове адкрытага тыпу («хімія») за «абразу прадстаўніка ўлады»: за тое, што ён пакінуў камэнтар на Youtube пад ролікам пра сустрэчу жыхароў Гомля і старшыні аблвыканкаму са словамі «крайне неразумный боров». Наважылаў зьехаў зь Беларусі.
Акрамя Наважылава, у «тэрарыстычным» сьпісе КДБ апынуліся палітзьняволены фігурант «справы Чорнай кнігі Беларусі» Аляксандар Юшкевіч, асуджаны на 8 гадоў калёніі за «распальваньне варожасьці ці варажнечы», 34-гадовы блогер Ільля Салянкоў, 31-гадовы Мікалай Галалюк, 43-гадовы Ўладзімер Марозаў.
Цяпер у «тэрарыстычным сьпісе» КДБ 1141 чалавек, зь іх 412 — беларусы.