Скандал з удзелам Кляўдын Гэй скончыўся яе адстаўкай. Апошнім часам яе вінавацілі ў дапушчэньні антысэмітызму ва ўнівэрсытэце, а таксама ў плягіяце, піша CBS. Пры гэтым ва ўнівэрсытэце шмат хто падтрымлівае Гэй і лічыць, што яна стала ахвярай абставінаў.
У сваёй заяве Гэй сказала: «Стала ясна, што я пайду ў адстаўку ў інтарэсах Гарварду, каб супольнасьць магла перажыць гэты надзвычайны момант, арыентуючыся на ўстанову, а не на чалавека».
Гэй пераняла стырно кіраваньня ўнівэрсытэтам больш за паўгода таму, стаўшы першай чорнай прэзыдэнткай у гісторыі ўстановы адукацыі.
Яна зазнала крытыкі ў пачатку сьнежня за тое, што дапусьціла антысэмітызм на тэрыторыі кампусу. Такая рэакцыя вынікае з вайны Ізраілю і ХАМАС. У прыватнасьці, на сустрэчы ў Кангрэсе, дзе яе спыталі, як, на яе думку, адрэагавала школа, яна ўхілілася ад прамога адказу, заявіўшы, што заклікі да генацыду габрэяў могуць не парушаць кодэксу паводзін, калі яны не пераходзяць ад заклікаў да дзеяньняў, і што падобныя выказваньні могуць «залежаць ад кантэксту».
Нават пасьля пасяджэньня Кангрэсу выкладчыкі кажуць, што факультэты пераважнай большасьцю падтрымлівалі прэзыдэнтку.
У апошнія тыдні Гэй абвінавацілі ў плягіяце дысэртацыі 1997 году. Гэта заахвоціла школьную раду разгледзець працу, выявіўшы выпадкі неадэкватнага цытаваньня.
«Многія з нас былі занепакоеныя гэтымі абвінавачваньнямі ў плягіяце, як і павінна быць, але ў нас нават не было магчымасьці абмеркаваць гэта», — сказаў урадавы прафэсар Гарварду Раян Энас. «Замест гэтага яе паваліў натоўп».
Цяпер школа зьвернецца да часовага прэзыдэнта Алана Гарбэра, пакуль школа шукае наступнага прэзыдэнта.
