«Гэта дэманстрацыя нашай гатоўнасьці рэагаваць на спробы дэстабілізацыі каля межаў нашай краіны», — напісаў польскі чыноўнік.
Апошнім часам кіраўніцтва Польшчы неаднаразова заяўляла пра патэнцыйныя пагрозы з боку Беларусі на фоне магчымага разьмяшчэньня на яе тэрыторыі расейскай тактычнай ядзернай зброі, прыбыцьця наймітаў ПВК «Вагнэр» разам з роляй Менска ў разьвязанай Расейя вайне супраць Украіны і працягам міграцыйнага крызісу.
7 ліпеня стала вядома, што прэзыдэнты Літвы, Латвіі і Польшчы накіравалі генсакратару Паўночнаатлянтычнага альянсу і кіраўніцтву краін гэтага блёка ліст, у якім сярод іншага ўтрымліваецца заклік улічыць пагрозы, што ідуць ад Беларусі, у «працэсе вайсковай адаптацыі» NATO.
Кіраўнікі трох краін адзначылі, што беларускаму народу «патрэбны выразны сыгнал NATO, што бачаньне дэмакратычнай, стабільнай і квітнеючай Беларусі, якая не залежыць ад волі Расеі і ўнутранай барацьбы ў Крамлі, важная для альянсу».
