На сьпявачку Аляксандру Захарык завялі крымінальную справу за ўдзел у пратэстах

Сьпявачку Аляксандру Захарык перавялі ў СІЗА-1, супраць яе распачалі крымінальную справу па «народным» артыкуле, паведамляе праваабарончы цэнтар «Вясна».

Ёй інкрымінуюць арт. 342 КК («Арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх»).

Яе затрымалі 30 студзеня, дома прайшоў ператрус.

Аляксандра выступала з гуртом «Apple Tea», працавала над уласным праектам ZAKHARIK, удзельнічала ў праекце «Голас» і адборах на «Эўрабачаньне» ад Беларусі.

ГЛЯДЗІЦЕ ТАКСАМА:

«Ня маю тлумачэньня, чаму мяне не забралі». Інтэрвію зь Пітам Паўлавым пра пратэсты, музыку і пераезд у Польшчу

Рэпрэсіі супраць музыкаў

У студзені 2023 году сілавікі затрымалі:

• музыку Аляксандра Бурака з Магілёва. Яму прысудзілі 10 дзён арышту;
• барда Андрэя Мельнікава з Гомля. Яго арыштавалі да 5 лютага.

ГЛЯДЗІЦЕ ТАКСАМА:

Сьвятлана Бень: «Страшнае па-сапраўднаму адчуваецца толькі на асабістым досьведзе»

• На віцебскага музыканта і арт-мэнэджара Ўладзімера Булаўскага завялі крымінальную справу;
• У сярэдзіне студзеня пад адміністрацыйны арышт адправілі вулічнага музыку, які граў «Воины света».
• 20 студзеня музычны гурт Tor Band упершыню ў Беларусі прызналі «эстрэмісцкім фармаваньнем». На трох удзельнікаў гурта завялі крымінальныя справы.

ГЛЯДЗІЦЕ ТАКСАМА:

Ад арыштаў да прызнаньня «экстрэмісцкім фармаваньнем». Як у Беларусі ўзмацнілі рэпрэсіі супраць музыкаў

ГЛЯДЗІЦЕ ТАКСАМА:

Ад Cітнік і «Ляпіса Трубяцкога» да Шэр і Lady Gaga. Апублікавалі сьпіс выканаўцаў, творы якіх забароненыя ў Беларусі