Рашэньне аб сумеснай вытворчасьці боепрыпасаў для ўкраінскай артылерыі было прынятае на сустрэчы міністраў абароны Францыі і Аўстраліі Сэбаст'ена Лекарню і Рычарда Марлза.
Кіраўнік Мінабароны Францыі паведаміў, што пастаўкі снарадаў ва Украіну могуць пачацца ўжо ў першым квартале гэтага году, адзначыўшы, што з францускага боку ў партнэрстве ўдзельнічае вытворца ўзбраеньняў і вайсковай тэхнікі — кампанія Nexter.
У сваю чаргу, міністар абароны Аўстраліі заявіў, што «гаворка ідзе аб праекце на многія мільёны аўстралійскіх даляраў». «Гэтае партнэрства закліканае паказаць, што Францыя і Аўстралія працуюць разам у мэтах падтрымкі Ўкраіны. Гэта першы такі прыклад супрацоўніцтва нашых абаронных прадпрыемстваў», — падкрэсьліў Марлз.