У Берасьці супраць 68-гадовай жанчыны завялі крымінальную справу за надпіс «Не вайне»
68-гадовая жанчына нанесла надпісы чырвоным маркерам «Жыве Беларусь» і «Не вайне» на рэклямных банэрах на прыпынку грамадзкага транспарту «Кавалёва» ў Берасьці, на вуліцы Валгаградзкай.
За гэта на яе завялі крымінальную справу за апаганьваньне збудаваньняў і псаваньне маёмасьці, паведамляе «Наша Ніва», спасылаючыся на міліцэйскі тэлеграм-канал.
Прысуд актывістам беларускіх незалежных прафсаюзаў Фядынічу, Берасьневу і Арэшку вынесуць 27 сьнежня
У Менскім гарадзкім судзе з 25 лістапада разглядаецца крымінальная справа актывістаў беларускіх незалежных прафсаюзаў — палітвязьняў Генадзя Фядыніча, Васіля Берасьнева і Вацлава Арэшкі. Справу разглядае судзьдзя Анастасія Папко.
Прысуд па справе агучаць 27 сьнежня, паведамляе «Вясна». Судовы працэс праходзіць у закрытым рэжыме, але на прысуд можна патрапіць усім ахвочым.
Іх абвінавачваюць у закліках да мер абмежавальнага характару, накіраваных на прычыненьне шкоды нацыянальнай бясьпецы Рэспублікі Беларусь (ч. 3 арт. 361 КК), распальваньні іншай сацыяльнай варожасьці (ч. 3 арт 130 КК), стварэньні экстрэмісцкага фармаваньня альбо ўдзеле ў ім (ч.1 і ч. 3 арт. 361-1 КК).
