Агенцтва АР паведамляе, што дакумэнт, прыняты Палатай прадстаўнікоў, цяпер адпраўляецца на подпіс прэзыдэнту Джо Байдэну. Законапраект аб выдатках быў ухвалены 225 галасамі супраць 201.
Напярэдадні дакумэнт ухваліў Сэнат ЗША.
20 сьнежня кіраўнікі Кангрэсу ЗША прадставілі праект дзяржаўных выдаткаў. Як паведамлялі СМІ, законапраект зьмяшчае палажэньні аб выдзяленьні 44,9 млрд даляраў на экстраную дапамогу Ўкраіне. Паводле CNN, аднак, гэтая сума прызначана для дапамогі Ўкраіне і «саюзьнікам у NATO».
