Місія, як піша DW, разьлічаная на базавую падрыхтоўку прынамсі 15 тысяч украінскіх вайскоўцаў, пачне сваю працу ў Польшчы да канца лістапада 2022 году, паабяцаў Бурэль. Ён удакладніў, што ў ёй маюць намер узяць удзел многія краіны Эўразьвязу. Сярод іх, напрыклад, Румынія, Ірляндыя, Славаччына, аб чым заявілі міністры замежных справаў гэтых краін напярэдадні пасяджэньня ў Брусэлі.
Місія зоймецца «індывідуальнай, калектыўнай і спэцыялізаванай» падрыхтоўкай УСУ і сілаў тэрытарыяльнай абароны, а таксама «каардынацыяй і сынхранізацыяй дзейнасьці дзяржаваў-чальцоў», якія падтрымліваюць місію, паведамілі ў Радзе ЭЗ.
EUMAM стане найбуйнейшай навучальнай місіяй Эўразьвязу для трэцяй краіны, паведаміла агенцтва AFP з спасылкай на эўрапейскіх дыпляматаў. Папярэдне яе праца разьлічаная на два гады, прыблізная сума выдаткаў за гэты пэрыяд складзе каля 106 млн эўра.
