Пра гэта заявіў у панядзелак кіраўнік ураду краіны Ёнас Гар Стэрэ, паведамляе «Голас Амэрыкі».
Нарвэгія цяпер — найбуйнейшы экспартэр прыроднага газу ў ЭЗ, на яе прыпадае каля чвэрці ўсяго імпарту ЭЗ пасьля скарачэньня расейскіх паставак.
«Гэта самая цяжкая сытуацыя ў сфэры бясьпекі за апошнія некалькі дзесяцігодзьдзяў, — сказаў на прэсавай канфэрэнцыі прэм’ер-міністар Нарвэгіі. — Няма ніякіх прыкметаў таго, што Расея пашырае свае ваенныя дзеяньні на іншыя краіны, але ўзмацненьне напружанасьці робіць нас больш уразьлівымі для пагроз, выведных апэрацый і кампаній уплыву».
Па словах міністра абароны Нарвэгіі Бʼёрна Арылда Грама, узброеныя сілы будуць траціць менш часу на падрыхтоўку і больш на выкананьне апэратыўных задачаў, а Ўнутраная гвардыя і сілы хуткай мабілізацыі будуць адыгрываць больш актыўную ролю.
Нарвэгія ўпершыню накіравала сваіх вайскоўцаў для аховы марскіх плятформаў і берагавых абʼектаў пасьля выцекаў у трубаправодзе «Паўночны паток» 26 верасьня, яе падтрымалі брытанскія, францускія і нямецкія вайскова-марскія сілы.
