Аб гэтым ТАСС паведаміў ягоны адвакат. У 2021 годзе суд забараніў яму выходзіць на рэкамэндаваныя дактарамі шпацыры пасьля чацьвёртага інфаркту.
Міцько – доктар тэхнічных навук, прафэсар, былы начальнік катэдры гідраакустыкі Ваенна-марской акадэміі. Ён быў сябрам рэдкалегіі навуковага часопіса «Тэхнічная акустыка» і рэдакцыйнай рады выдавецтва «Суднабудаваньне», сфэрай яго навуковых інтарэсаў была прыкладная гідрафізыка.
Увесну 2021 году яго затрымала ФСБ. Паводле вэрсіі сьледзтва, на працягу чатырох гадоў ён супрацоўнічаў з кітайскімі спэцслужбамі і зьбіраў дадзеныя аб спосабах і мэтадах выяўленьня падводных лодак. Навуковец катэгарычна адмаўляў віну.
З 2016-га прафэсар рэгулярна наведваў Даляньскі акіянічны ўнівэрсытэт у Кітаі – у якасьці запрошанага прафэсара. Паводле сьледзтва, у адным з дакумэнтаў, які ён узяў з сабой для лекцый, утрымлівалася дзяржаўная таямніца.
Навуковец не прызнаваў сябе вінаватым, указваючы, што ўсе дадзеныя, якія ён нібыта перадаваў Кітаю, знаходзяцца ў адкрытым доступе.
