Пра гэта ён заявіў журналістам, рэагуючы на паведамленьні аб выяўленьні масавых пахаваньняў мірных жыхароў і вайскоўцаў на вызваленых украінскімі войскамі тэрыторыях Харкаўскай вобласьці.
Вярхоўны прадстаўнік Эўразьвязу ў пытаньнях зьнешняй палітыкі і палітыкі бясьпекі Жузэп Бурэль заявіў, што ЭЗ «глыбока шакаваны» масавымі магіламі, выяўленымі каля Ізюму ў Харкаўскай вобласьці пасьля яго вызваленьня ад расейскіх войскаў.
«Мы рашуча асуджаем гэтыя зьверствы. Захопніцкая вайна Расеі супраць Украіны пакідае за сабой крывавы і разбуральны сьлед», — гаворыцца ў заяве Бурэля.
15 верасьня каля вызваленага Ізюму ў Харкаўскай вобласьці былі выяўленыя масавыя пахаваньні ўкраінскіх вайскоўцаў і цывільных асобаў.
Масавыя магілы пад Ізюмам. Фотасьведчаньні
Амбудсмэн Лубінец: пад Ізюмам знойдзены целы вайскоўцаў Узброеных сіл Украіны, якіх, магчыма, катавалі
