У Горадзенскай вобласьці зарэгістравана 25 падзеньняў дрэў на праезную частку аўтадарог у Бераставіцкім, Горадзенскім, Наваградзкім, Мастоўскім, Шчучынскім, Ашмянскім, Сьвіслацкім і Івейскім раёнах.
У Зэльвенскім раёне дрэва ўпала ў двары прыватнага дома. У Горадні на вуліцы Санаторнай пад дрэвам апынуўся аўтамабіль. У вобласьці адзначаліся падтапленьні падворкаў.
Электразабесьпячэньне парушалася ў 110 населеных пунктах. Да раніцы падача электраэнэргіі ўсім спажыўцам аднавілася.
У Магілёўскай вобласьці ратавальнікі дзевяць разоў выяжджалі прыбіраць дрэвы ў Магілёве і Магілёўскім, Бабруйскім, Бялыніцкім, Быхаўскім, Чавускім, Шклоўскім раёнах. Пашкоджана пяць аўтамабіляў: тры ў Магілёве і два ў Шклове.
У Берасьці ўпалі 23 дрэвы. Пашкоджана шэсьць аўтамабіляў, а таксама навес пад’езда жылога дома на вуліцы Жукава.
