Як паведамляюць расейскія інфармацыйныя агенцтвы 21 красавіка, пацярпелі каля 30 грамадзян.
«Загінулі дзьве асобы, лёс яшчэ адной вызначаецца. Каля 30 грамадзян пацярпелі. Усяго з будынку эвакуавалі больш за 30 асобаў», — паведамляе агенцтва Інтэрфакс.
Таксама вядома пра частковы абвал даху будынку. У момант пажару людзі выскоквалі з вокнаў. У іх зафіксавалі сінякі і траўмы, многія надыхаліся дымам.
Цэнтральны навукова-дасьледчы інстытут войскаў Паветрана-касьмічнай абароны ў Цьвяры займаецца вывучэньнем праблем паветрана-касьмічнай абароны і вайскова-касьмічнай дзейнасьці Расеі і адзінай сыстэмы супрацьпаветранай абароны СНД.