«Загінуў падчас выбуху і пажару на борце колішняга флягмана Чарнаморскага флёту Расеі», — паведаміў Сяргей Братчук.
Расея не паведамляе, якой колькасьці экіпажу крэйсэра ўдалося ўратавацца, а хто загінуў.
14 красавіка ўкраінскі журналіст Раман Цымбалюк і экс-дэпутат Дзяржаўнай Думы Расеі Ільля Панамароў паведамілі, што ў Севастопаль даставілі 14 маракоў, у тым ліку начальніка мэдычнай службы карабля. Паводле іхнай інфармацыі, вайскоўцы прычалілі на хуткасным катэры да берагу, дзе іх чакалі машыны хуткай дапамогі. «Доля іншых 496 чальцоў экіпажу невядомая», — напісалі яны.
Пазьней Ільля Панамароў удакладніў, што ўратаваліся 58 чальцоў экіпажу крэйсэра «Масква».
14 красавіка Міністэрства абароны Расеі прызнала, што крэйсэр «Масква» затануў. Але прычынай крушэньня свайго флягмана ў Расеі назвалі пажар, які стаў вынікам дэтанацыі боепрыпасаў.
Украінскія вайскоўцы і палітыкі пераконваюць, што расейскі крэйсэр зьнішчыла найноўшая распрацоўка кіеўскіх канструктараў — крылатая ракета «Нэптун».
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, пакуль немагчымая.
