Каля пасольства сабраліся некалькі соцень чалавек. Мітынг быў непрацяглым, паведаміў Tut.by.
Сёньня ж Фэдэрацыя прафсаюзаў на сваім сайце заклікала Злучаныя Штаты адмяніць незаконныя эканамічныя санкцыі супраць беларускіх прадпрыемстваў.
«Гэтыя меры — ня што іншае, як эканамічная агрэсія і шантаж», якія «могуць пакінуць людзей бяз працы і заработнай платы», заявіла ФПБ.
Акцыя пратэсту каля пасольства ЗША праходзіла і ўчора. 30 красавіка там сабраліся паўтара дзясятка прыхільнікаў Лукашэнкі. Яны трымалі дзяржаўныя сьцягі, плякаты, скандавалі «Лукашэнка — наш прэзыдэнт». Акцыя была зьвязаная з інфармацыяй, агучанай у дзяржаўных СМІ, аб нібыта дачыннасьці прадстаўнікоў ЗША да плянаваньня спробы вайсковага перавароту ў Беларусі і ліквідацыі Лукашэнкі.
Раней афіцыйныя прафсаюзы заяўлялі, што сабралі больш за 1,1 мільёна подпісаў супраць санкцыі Эўрапейскага Зьвязу.
