Працягваецца выдаленьне з акупаванага паўвострава ўкраінцаў, якія ня маюць пашпартоў Расейскай Фэдэрацыі, заявіў прадстаўнік Назіральнай місіі ААН па правах чалавека ва Ўкраіне Віталь Хілько.
Ён удакладніў, што грамадзяне Украіны, якія не маюць пашпартоў Расеі і пражываюць у анэксаваным Крыме без так званай прапіскі, лічацца замежнікамі і падлягаюць дэпартацыі, паведамляе агенцтва «Укрінформ».
«У 2020 годзе мы зафіксавалі 178 выпадкаў, калі» суды ў Аўтаномнай Рэспубліцы Крым выносілі рашэньні, якія абавязвалі гэтую катэгорыю людзей пакінуць паўвостраў. Зь іх 105 грамадзян Украіны атрымалі такі прысуд«,—сказаў Хілько.
Паводле яго слоў, адначасова 416 чалавек (прынамсі 292 з іх зьяўляюцца грамадзянамі Ўкраіны) атрымалі загад заплаціць штраф за парушэньне так званых правілаў міграцыі, якія дзейнічаюць у Расеі.
Хілько адзначыў, што гэта звычайна звычайныя крымчане, якія жылі на паўвостраве раней і заставаліся тут пасьля 2014 года.
«Адзінае, што трэба ўдакладніць, гэта тое, што гэта тыя, хто не атрымаў расейскі пашпарт і не мае пасьведчаньня аб часовым альбо пастаянным пражываньні. Гэта звычайна людзі, якія ня мелі від на жыхарства ў АРК. Некаторыя з іх прыехалі ў Крым пасьля акупацыі — на працу ці ў госьці да сваякоў, альбо проста карыстаюцца правам свабоднага перамяшчэньня па тэрыторыі Ўкраіны », — дадаў прадстаўнік маніторынгавай місіі ААН.
Існуе два віды дэпартацыі — прымусовы і самастойны выезд. Калі рашэньнем «суда» прызначана пакінуць самастойна, але чалавек не пакінуў акупаваную тэрыторыю, то яго зноў затрымліваюць і яму ўжо пагражаюць прымусовай дэпартацыяй.
«Падчас прымусовай дэпартацыі затрыманыя зьмяшчаюцца ў так званыя ізалятары. І гэтыя асобы будуць дэпартаваныя», — удакладніў Хілько.
