«Сьвет мае патрэбу ў кіруючай ролі Амэрыкі, і мы яе будзем рэалізоўваць, таму што сьвет з большай верагоднасьцю здолее вырашыць праблемы і справіцца з выклікамі сумесна з ЗША», — заявіў Блінкен у часе прывітальнай прамовы ў Дзярждэпартамэнце.
Ён сказаў, што сусьветная супольнасьць сочыць, ці здолее Амэрыка «вылечыць нацыю», супрацьстаяць разам з саюзьнікамі такім выклікам сучаснасьці, як пандэмія, эканамічны крызіс, зьмены клімату, расавая няроўнасьць, пагрозы для дэмакратыі.
Дзяржсакратар заявіў, што Злучаныя Штаты валодаюць найлепшым патэнцыялам для мабілізацыі іншых краінаў у агульных інтарэсах.
