Гэтыя папраўкі адкрываюць магчымасьць вяртаньня расейскіх інфармацыйных і аналітычных тэлепраграм.
Пра гэта паведамляе малдоўскі тэлеканал tv8.
Згодна з законапраектам, дазваляецца трансьляцыя тэле- і радыёпраграм «з трэціх краінаў, якія адпавядаюць палажэньням канцэпцыі і стратэгіі інфармацыйнай бясьпекі Рэспублікі Малдовы».
Раней малдоўскія тэлеканалы маглі трансьляваць толькі праграмы, зробленыя ў краінах ЭЗ, ЗША, Канады і краінах, якія ратыфікавалі канвэнцыю аб трансмежнай тэлевізіі (Расея яе не ратыфікавала).
Дэпутаты таксама вярнулі расейскай мове статус мовы міжнацыянальных зносін. Цяпер, калі законапраект ухваляць, на запыт грамадзянаў дзяржаўныя службоўцы павінны будуць падаць інфармацыю ці пераклад інфармацыі на расейскай мове, а таксама атрымліваць запыты і адказваць на іх на расейскай мове, калі гэта будзе неабходна грамадзяніну.
