Вакаліста гуртоў «Петля Пристрастия» і «Кассиопея» Ільлю Чарапко-Самахвалава асудзілі на 15 сутак.
Музыку затрымалі на маршы 22 лістапада.
У нядзелю 22 лістапада ў Беларусі прайшлі маршы супраць сфальшаваных выбараў 9 жніўня і гвалту. Як толькі людзі пачалі зьбірацца ў сваіх мікрараёнах у калёны, сілавікі пачалі затрымліваць дэманстрантаў і выкарыстоўваць спэцсродкі супраць іх.
Праваабарончы цэнтар «Вясна» сабраў больш за 390 прозьвішчаў затрыманых у гэты дзень на акцыі ў Менску, а таксама ў іншых гарадах Беларусі на рэгіянальных акцыях. Сьпіс абнаўляецца і дапаўняецца.
