На нарадзе ў пытаньнях зьнешняй палітыкі Аляксандар Лукашэнка заявіў, што апошнім часам у расейскіх СМІ гучыць крытыка Менску за шматвэктарнасьць.
Поўную цытату Лукашэнкі пра шматвэктарную палітыку прыводзіць РИА Новости:
«Я зьдзіўляюся і не зусім разумею, чаму супраць нашай шматвэктарнасьці падскочылі нейкія сілы ў Расейскай Фэдэрацыі. Нам хацелася б, каб яны сказалі, якія ў сувязі з гэтым яны маюць да нас прэтэнзіі».
«Мы ж дакладна заявілі аб тым, што наш найбліжэйшы саюзьнік, родныя нам краіна і народ – гэта Расея і расіяне».
«Калі хтосьці бачыць, што мы не павінны праводзіць гэтую шматвэктарную палітыку, а прытрымлівацца толькі аднаго вэктару, ну, тады трэба прапанаваць нармальныя ўмовы, каб мы не глядзелі ў розныя бакі. Але і гэтага ня хочуць».
