Тэлеграм-каналы заклікалі правесьці ў цэнтры Менску «Марш мудрасьці» з удзелам пэнсіянэраў — прыхільнікаў пераменаў.
Гэта ўжо традыцыйная акцыя. Мінулым разам, 12 кастрычніка, сілавікі ўжылі супраць пэнсіянэраў спэцыяльныя сродкі.
Сёньня ў Менску паралельна чакаецца іншы мітынг пэнсіянэраў, праўладны.
Як паведамляе Tut.by, на гэты мітынг актыўна зьбіраюць пэнсіянэраў з усёй краіны, у асноўным зь ліку былых сілавікоў. Старт мітынгу, як паведамляюць чытачы парталу, заплянаваны прыкладна на той жа час і ў тым жа месцы, дзе апошнія два тыдні ў панядзелкі зьбіраюцца людзі на акцыі салідарнасьці — Маршы пэнсіянэраў.
