Эўрапейскі зьвяз дамагаецца ад беларускіх уладаў спыненьня рэпрэсій супраць насельніцтва і пакараньня вінаватых у іх, а таксама пачатку дыялёгу з апазыцыяй пры магчымым садзейнічаньні з боку АБСЕ, паведамляе «Інтэрфакс».
Такую заяву зрабіў кіраўнік Эўрапейскай рады Шарль Мішэль, камэнтуючы рашэньні саміту ЭЗ.
«Перш за ўсё, мы павінны пакласьці канец рэпрэсіям і гвалту над апазыцыяй і насельніцтвам краіны», — сказаў Мішэль, выступаючы ў аўторак у Эўрапарлямэнце.
Паводле Мішэля, ЭЗ хоча, каб «беларускі народ сам вызначаў сваю будучыню, без ўмяшаньня звонку. Гэта азначае інклюзіўны дыялёг на нацыянальным узроўні, дыялёг, якому можа спрыяць АБСЭ», - заявіў кіраўнік Эўрапейскай рады.
Ён падкрэсьліў, што «тыя, хто вінаваты ў парушэньнях, павінны панесьці адказнасьць».
«Рады прыняла рашэньне ўвесьці санкцыі зь неадкладным выкананьнем», — сказаў Мішэль. Ён нагадаў, што гэтая пазыцыя ў справе Беларусі ўзгоднена Эўрапейскай радай на пасяджэньні 1 кастрычніка.
