Выпускнікі Гомельскага ўнівэрсытэту падтрымалі арыштаваную за пратэст выкладчыцу. ВІДЭА

Выпускнікі Гомельскага ўнівэрсытэту імя Францішка Скарыны запісалі відэазварот у падтрымку арыштаванай выкладчыцы ўніверсітэту, дацэнта катэдры расейскай мовы і літаратуры кандыдаткі філялягічных навук Натальлі Суславай.

Суд пакараў яе арыштам на 8 содняў за ўдзел у Маршы пратэсту.

ГЛЯДЗІЦЕ ТАКСАМА:

У Гомлі на 8 сутак арыштавалі кандыдатку філялягічных навук за выгукі «Жыве Беларусь»

29 верасьня суд Чыгуначнага раёну Гомля асудзіў яе на 8 дзён арышту. Вырак вынес судзьдзя Яўген Шаршнёў.

У ізалятары Натальля Суслава была ад нядзелі 27 верасьня, калі яе схапіў АМАП на маршы пратэсту. На судзе выкладчыца сказала, што сапраўды была на маршы і выгукала «Жыве Беларусь!», бо гэта словы Янкі Купалы.​

ГЛЯДЗІЦЕ ТАКСАМА:

У Гомлі супраць дэманстрантаў прымянялі газ і сьвятлашумавую ракетніцу, затрымалі 20 чалавек. ФОТА