Больш за тысячу супрацоўнікаў і навучэнцаў Акадэміі мастацтваў запатрабавалі новых выбараў
Выкладчыкі, супрацоўнікі, выпускнікі і студэнты Беларускай дзяржаўнай акадэміі мастацтваў апублікавалі адкрыты ліст, у якім запатрабавалі правядзеньня новых выбараў.
Аўтары звароту асудзілі ўжываньне гвалту супраць мірных пратэстоўцаў, а таксама разгон дэманстрацый. Таксама, на іх думку, выказваньне Аляксандра Лукашэнкі пра тое, што работнікам, якія не падтрымліваюць дзяржаўную ідэалёгію, ня месца ў беларускай сыстэме адукацыі, парушае права на дэмакратычную разнастайнасьць поглядаў, замацаванае ў арт. 4 Канстытуцыі Беларусі.
Яны выказваюць недавер да вынікаў галасаваньня на выбарах 9 жніўня і патрабуюць правядзеньня новых адкрытых і сумленных выбараў.
Аўтары адкрытага ліста заяўляюць, што не замахваюцца на нацыянальную бясьпеку, але патрабуюць захаваньня грамадзянскіх правоў, свабодаў і права на волевыяўленьне.
АМАП перагарадзіў вуліцу Купалы, студэнцкі марш пайшоў па Інтэрнацыянальнай
Міліцыя перакрыла Кастрычніцкую плошчу, студэнтаў не выпускаюць з будынку БНТУ
Міліцыя і АМАП перакрылі вуліцу Карла Маркса і падыход да Кастрычніцкай плошчы на праспэкце Незалежнасьці, перадае карэспандэнт Свабоды. Студэнты рухаюцца па вуліцы Купалы, перасякаюць праспэкт Незалежнасьці.
Паводле Tut.by, студэнтаў БНТУ, якія засталіся на парах, не выпускаюць з аднаго з карпусоў.
Калёна пратэстоўцаў ідзе ад МТЗ у цэнтар, студэнты — па вуліцы Янкі Купалы да праспэкту Незалежнасьці
Студэнцкая калёна набліжаецца да вуліцы Пуліхава
Марш студэнтаў у Менску працягваецца. Па абодвух баках вуліцы Першамайскай калёна падыходзіць да скрыжаваньня з вуліцай Пуліхава.
Будаўнікі рушылі маршам па Менску
Паводле Nexta, проста цяпер у Менску ідзе марш будаўнікоў — па вуліцы Арлоўскай у бок Палацу незалежнасьці.
Калёна студэнтаў на вуліцы Казлова ў Менску
Супрацоўнікі кампаній-рэзыдэнтаў ПВТ падтрымалі пратэст студэнтаў
Супрацоўнікі кампаніяў Парку высокіх тэхналёгіяў выйшлі ў абед на акцыю салідарнасьці ў Менску.
Ужо 17 чалавек затрымалі на маршы студэнтаў у Менску
Да маршу студэнтаў далучылася калёна з Акадэміі мастацтваў
У Горадні выйшлі каля 20 студэнтаў унівэрсытэту імя Янкі Купалы
Яны выйшлі пад галоўны корпус унівэрсытэту зь бел-чырвона-белым сьцягам, сталі ў ланцуг. Да іх выйшаў прарэктар у выхаваўчай рабоце Васіль Сянько і папярэдзіў выхаванцаў, што палітычныя акцыі на тэрыторыі ўнівэрсытэту праводзіць нельга, але можна на іншай пляцоўцы. Моладзь працягвае проста стаяць. Іх здымае на відэа «ціхар», побач стаіць міліцэйскі бус.
Да Акадэміі мастацтва таксама выйшлі студэнты
Падчас студэнцкага пратэсту ў Менску затрымалі выкладчыка БДУ
Каля галоўнага корпусу Белдзяржунівэрсытэту невядомы ў цывільнай вопратцы і чалавек у вайсковай форме напалі на групу студэнтаў і выкладчыкаў, якія выйшлі на пратэст з нацыянальнай сымболікай.
Большай частцы ўдзельнікаў акцыі ўдалося зьбегчы, але, як бачна з відэа Tut.by, быў затрыманы выкладчык БДУ Вадзім Белявец. Куды яго адвезьлі, пакуль невядома.
Акцыі салідарнасьці каля прахадной МЗКЦ і каля ЦЭЦ-4 у Менску
Акцыя пратэсту каля Унівэрсытэту культуры ў Менску
Да маршу студэнтаў далучаецца больш людзей
Студэнты ідуць па Менску непрадказальным маршрутам. Прайшоўшы праз парк Горкага, марш скіраваўся ў бок праспэкту Незалежнасьці.
Прадстаўнік рэктарату Лінгвістычнага ўнівэрсытэта пагражае студэнтам АМАПам
Студэнцкі марш працягваецца ў цэнтры Менску. Каля прахадной МЗКЦ сабраліся людзі
Тым часам у Менску каля прахадной МЗКЦ сабраліся каля 70 чалавек. Людзі размаўляюць, вырашаюць, што рабіць. Зьявілася міліцыя. Папярэджваюць, што акцыя незаконная. Людзі крычаць «Сыходзь!»
Каго затрымалі падчас студэнцкага пратэсту ў Менску
Праваабаронцам «Вясны» вядомыя імёны трох затрыманых сёньня студэнтаў:
1. Уладзіслаў Стасевіч
2. Вікторыя Гранкоўская
3. Дзьмітры Астроўскі
Таксама затрымалі двух журналістаў «Эўрарадыё»: Марыю Вайтовіч і Рамана Гадуна.
Марш студэнтаў у Менску працягваецца