2 жніўня ў Нацыянальны аэрапорт Менск з Варшавы прыбыў рэйс польскай авіякампаніі LOT Polish Airlines.
«У жніўні-верасьні на лініі Варшава-Менск-Варшава плянуецца выкананьне 4 рэйсаў у тыдзень: у жніўні — аўторак, чацьвер, пятніца і нядзеля, у верасьні — панядзелак, серада, пятніца і нядзеля», — паведамляецца на сайце Нацыянальнага аэрапорт Менск.
LOT прыпыніла палёты ў Беларусь з 14 сакавіка з-за пандэміі COVID-19.
Нацыянальны аэрапорт Менск паведамляе, што з 17 ліпеня авіякампанія «Ірацкія авіялініі» (Iraqi Airways) аднавіла рэгулярныя палёты па маршруце Багдад-Менск-Багдад. У жніўні плянуецца выкананьне двух рэйсаў у тыдзень.
