Аляксандар Лукашэнка 17 ліпеня абнавіў склад Савету бясьпекі, паведамляе Tut.by са спасылкай на прэс-службу кіраўніка Беларусі.
У склад Савету бясьпекі ўвайшлі:
- старшыня Камітэту дзяржаўнага кантролю Іван Тэртэль;
- міністар абароны Віктар Хрэнін;
- старшыня Дзяржаўнага ваенна-прамысловага камітэту Дзьмітрый Пантус;
- начальнік Генэральнага штаба — першы намесьнік міністра абароны Аляксандар Вальфовіч.
Са складу Савету бясьпекі выключылі:
- былога Дзяржаўнага сакратара Савету бясьпекі і дзейнага генэральнага сакратара АДКБ Станіслава Зася;
- экс-кіраўніка КДК Леаніда Анфімава;
- былога прэмʼер-міністра Сяргея Румаса.
Зьмянілі пасады Рамана Галоўчэнкі і Андрэя Раўкова, цяпер яны прэмʼер-міністар і дзяржаўны сакратар Савету бясьпекі адпаведна.
Усяго ў склад Савету бясьпекі ўваходзіць 20 чалавек — кіраўнік дзяржавы, прэмʼер-міністар, сьпікеры дзьвюх палат парлямэнту, кіраўнікі сілавых ведамстваў, памочнік кіраўніка дзяржавы па нацыянальнай бясьпецы Віктар Лукашэнка і іншыя.
