У Ніжнім Ноўгарадзе (РФ) былы чыноўнік Андрэй Сілякоў прадаў чатыры зьнішчальнікі па 153 рублі і дзевяць гадоў хаваўся ад сьледзтва.
У час знаходжаньня на пасадзе начальніка аддзелу нафтапрадуктаў Расрэзэрву, Андрэй Сілякоў выставіў на продаж пад выглядам жалеза, мэталёвых прутоў ды «мантажных вузлоў» чатыры баявыя зьнішчальнікі МіГ-31.
Пра гэта паведамляе Lenta.ru, спасылаючыся на пракурора Генэральнай пракуратуры Расеі ў Прыволскай фэдэральнай акрузе Віктара Лаціна.
Сілякоў прадаў самалёты кампаніі блізкага знаёмага, а на наступны дзень яны былі перапрададзеныя заводу «Сокал». Паводле пракуратуры, страты дзяржавы ад дзеяньняў чыноўніка складаюць каля мільярда расейскіх рублёў ($14 млн).
Былы чыноўнік быў абвешчаны ў вышук, аднак затрымаць яго ўдалося толькі празь дзевяць гадоў.
