Брытанская авіякампанія easyJet паведаміла аб кібэратакі на свае сэрвэры. Хакеры атрымалі доступ да інфармацыі пра дзевяць мільёнаў кліентаў і больш чым пра 2 тысячы крэдытных картаў, гаворыцца ў паведамленьні на сайце кампаніі.
У easyJet няма інфармацыі пра тое, ці змаглі зламысьнікі выкарыстоўваць атрыманыя дадзеныя ў неправамерных мэтах. Лоўкостэр заявіў, што зьвяжацца з пацярпелымі кліентамі і параіць прыняць меры па абароне ад патэнцыйнага махлярства.
easyJet — адзін зь бюджэтных эўрапейскіх авіяперавозчыкаў. У 2019 годзе кампанія перавезла 96 мільёнаў пасажыраў. Сёлета з 24 сакавіка большасьць рэйсаў easyJet адмененыя праз пандэмію карананавірусу.
