Мэр Масквы Сяргей Сабянін падоўжыў рэжым абавязковай самаізаляцыі да 31 траўня. Адпаведны ўказ апублікаваны на ягоным сайце.
Каранавірус у Беларусі і ў сьвеце. Як разьвіваюцца падзеі >>
Ад 12 траўня ў Маскве ўводзіцца першы этап паслабленьня абмежаваньняў — адновяцца прамысловая вытворчасьць і будоўлі.
З наступнага тыдня жыхары Масквы будуць абавязаныя насіць маскі і пальчаткі ў крамах і грамадзкім транспарце, у тым ліку ў таксі.
Забарона на працу для кампаній з сфэры паслуг, культуры і спорту пратрымаецца да канца траўня.
Паводле апошніх дадзеных, у Маскве каранавірусам заражаныя больш за 92,6 тысячы чалавек, памерлі 905 пацыентаў.
